حمو بيكا: «عمر كمال عملي سحر.. والقرآن رجعني لشغلي»
كتب: نسرين إبراهيم
أكد مؤدي المهرجانات حمو بيكا، أنه تعرض للسحر على يد الفنان عمر كمال، ونجح في التعلب عليه وإبطاله بالقرآن الكريم، مبينا أن كان الهدف من هذا السحر إيقافه عن العمل.
وكشف عن ذلك بعدما واجه شيخ العرافين، بحقيقة تعرضه لـ"السحر"، وذلك خلال برنامج "العرافة" الذي تقدمه الإعلامية بسمة وهبة، على قناتي "المحور" و"النهار".
ورد حمو بيكا قائلًا: "نعم.. عمر كمال هو اللي عملي السحر، عشان أقف وما أشتغلش.. الشيخ قالي حد أسمه عمر.. وقالي كلكم هتقعدوا وهو الوحيد اللي هيشتغل".
وتابع: "الحمدالله فكيت السحر واشتغلت.. وغلبته بالقرآن الكريم.. وبعدها صاحبت عمر كمال خوفًا منه عشان ميعمليش حاجة تاني، ولابس الفانلة الداخلية بالمقلوب".
ومازح شيخ العرافين، حمو بيكا، قائلًا: "تعرّف تروح ولا أجي أروحك.. هتطلع على فيلا التجمع ولا الإسكندرية.. مش بتروح تقعد مع حسن شاكوش في فيلا التجمع؟".
وأضاف: "والله وقعت مشكلة بيني وبين زوجتي، بسبب حديثي عن حسن شاكوش، وقلت لها ممكن فعلًا حسن يكون بيروح فيلا التجمع".
وتدخلت بسمة وهبة، قائلة: "مش لاقي ليك سر أكشفه.. مش عاوزه خراب بيوت أكتر من كدا عشان إحنا في رمضان"، ليرد بيكا، :"خراب أكتر من كدا؟ شيخ العرافين مش هيورد على جنه.. مراتي قالتلي إنت بتروح لفيلا حسن شاكوش.. وقلتلها والله ما حصل انا من هنا على البيت على طول".
