كريم فهمي مدافعا عن رحمة أحمد: مش طبيعي اللي الناس سقفتلها عليه تنتقدها فيه
كتب: نسرين إبراهيم
كشف الفنان كريم فهمي، عن سبب دفاعه عن رحمة أحمد بعد الانتقادات التي وجهت لها في بداية رمضان مع عرض الحلقات الأولى من مسلسل "الكبير أوي 7".
قال كريم فهمي: "أنا مكنتش اتفرجت على أول حلقة فلقيت هجوم غير مبرر وقلت لا دي عاملة كارثة، بصراحة دخلت اتفرجت ووالله العظيم لقيت نفس اللي عملته في الكبير 6 وكان الناس بتسقفلها.. هل ده طبيعي؟ أنا دخلت اتفرجت عليها وضحكت ومليش دعوة هما شايفينها إزاي بس هي مش مضايقاني للدرجة دي".
وقال: "أنا كلمتها في التليفون وأنا معرفهاش ورغيت معاها كتير وقلتلها مش هعمل نفسي بنظر.. قالتلي أنا عايزة أقولك إن في أول يوم رمضان منمتش من العياط.. هل دة طبيعي؟"، وجاءت تصريحاته هذه أثناء ظهوره في برنامج "أنا والقناع"،
وكان كريم فهمي قد دافع عن رحمة أحمد في منشور عبر "فيسبوك" قائلا: "اللجان مرعبة.. لو مش قادر خلاص، ادفع عشان اللجان تشكر فيك بس أمانة عليك بلاش تأذي ممثل أو ممثلة في رزقه .. اتنافسوا بشغلكوا مش بلجانكوا".
جدير بالذكر أن كريم فهمي ظهر في رمضان 2023 كضيف شرف في الحلقة الأولى من مسلسل "سره الباتع"، كما ظهر كضيف شرف في مسلسل "الكتبية 101" وقدم دور الضابط عاصم محمد عصام.
