زوجة حمادة هلال: «متدين بطبعه وهو أصلا سبونج بوب»

كشفت زوجة الفنانة حماده هلال، عن جزء من شخصيته خارج الإطار الفني، وقالت في حوار لها مع الإعلامية سهير جودة عبر لايف بموقع التواصل الاجتماعي فيسبوك.

وقالت أسما سميح، زوجة حماده هلال: «حمادة هلال شخصيته قريبة من شخصية المداح، وهو متدين بطبعه وهادئ جدًا، ودايمًا بيذكر ربنا، والرقية الشرعية أساسية بالنسبة له، مش حاسة أن في فرق بين حمادة والمداح، وعشان كده هو لايق على الدور، هو المسلسل صعب وتصويره صعب، وفريق العمل كله عامل مجهود كبير، مسلسل صعب والحمد لله إن الناس مبسوطة منه».

وأضافت عن مسلسل المداح،« المسلسل جميل جدًا، وجرعة الخوف بسيطة مش عالية أوي، زي ما الناس متخيلة، وبنصح الناس تتفرج عليه في تجمع عائلي مش لوحدهم عشان ميخافوش، وبلاش تتفرجوا عليه بليل».

وعن اعتقادها بعلم الماورائيات، قالت:« أنا مؤمنة بالجن، لأن ربنا ذكره في القرآن مؤمنة بوجوده، بس وجهة نظري أنه مش موجود كتير حوالينا، أو ممكن يكون موجود لكن لا نشعر به أنا مؤمنة بربنا، ومؤمنة أن ربنا بيحافظ علينا، حصنوا نفسكم بس».

وأشارت إلى أنها لا تخف من الدور الذي يؤديه حماده هلال، قائلة:«أنا كل يوم بيجيلي المداح عادي، بيبقى سبونج بوب، وأنا مش بخاف وبكون مطمئنة».