تامر حبيب عن أزمة منة شلبي الأخيرة: «كان من أسود أيام حياتي»
كتب: نسرين إبراهيم
أكد السيناريست تامر حبيب، أن أزمة الفنانة منه شلبي الأخيرة بشأن حبسها بتهمة حيازة مواد مخدرة؛ كان من أسوأ أيام حياته.
وقال خلال حواره ببرنامج «حبر سري»، مع أسما ابراهيم، على قناة «القاهرة والناس»، مساء السبت: «اليوم ده كان من أسود الأيام اللي مرت عليا في حياتي وكنت هموت مش عارف أوصل لها لحد ما عرفت أنها في طريقها للبيت، روحتلها على البيت».
وتابع: «عرفت قد ايه أنا بحبها وأخذتها في حضني وكان كل همي تضحك وتتبسط عشان تنسى الأزمة الكبيرة دي وربنا ما يحكم على حد لأنها مش سهلة، ونفسيتها حاليا أفضل ونزلت اشتغلت».
وأضاف: «الضغط مش من الموقف ولكن من القسوة الشديدة من البشر، وكلهم فاهمين كل حاجة وكأن الناس كانت نازلة معاها من الطيارة، وفي ناس مهمتها تهاجم ويمكن كانوا موجودين ومش عارفين بسبب السوشيال ميديا».
واختتم: « في عزا أمي، الفنانات كانوا بيحضنوني ويبوسوني، كنوع من المواساة، وكتبوا يمارسون المعصية، يلا خليهم يأخدوا سيئاتنا ونأخد حسناتهم».
