كندة علوش: «مصر أهم نقطة تحول في حياتي»
كتب: عزة عبد الحميد
حلت الفنانة كندة علوش، ضيفة ببرنامج "طريق تالت" مع الإعلامية إيناس الشواف عبر إذاعة إينرجي، ونرصد أبرز تصريحاتها في الحلقة خلال السطور التالية.
- تأهيل أهلي ليا مكنش نصايح لكن طريقة تربية كاملة من ثقة وثقافة وإني محكمش على الناس وأحترم حريتهم، معارضة أبي لي كان وقت اختياري أدبي من غير ما يعرف.
- عندي شخصية قبل ولادي وشخصية بعدهم، بعمل كل حاجتهم بنفسي، علموني الصبر والحنية ورجعت أشوف الدنيا بعينهم وأتعلم منهم.
- مصر أهم نقطة تحول ليا واعتبرها نعمة وأني مخلوقة ليا بلدين مش بتعامل كسورية في مصر ولكن مصرية وسط المصريين.
- اخترت إن السوشيال ميديا متغيرش حياتي أو تقودها، هي منبر للتوعية وتوصيل الرسالة، كمان أبعد عن استفزاز الناس وهما ظروفهم صعبة، أطبطب عليهم مش أتعالى عليهم.
- ذاكرتي وحشة ويمكن ده له علاقة بالحرب في بلدي، بس فاكرة أني كنت تلميذة شاطرة.
- تغيير مسيرتي مش بسبب أشخاص بعينهم لكن بسبب بيئة عشت فيها.
