مدير أعمال شيرين عبد الوهاب يهاجم منتقديها.. وللجمهور: هناك مفاجآت قادمة

كشف إيهاب صالح مدير أعمال شيرين عبد الوهاب، عن تفاصيل حالتها الصحية، عقب ما تعرضت له أمس من سقوط على المسرح.

ونشر من خلال تدوينة له عبر حسابه الرسمي بموقع التغريدات القصيرة تويتر، «جمهور شيرين.. عارف إنكم سند وضهر ليها.. بس عمري ما كنت أتخيل إنكم بالحجم والعظمة دي بجد ما شاء الله.. عايز أطمنكم إن شيرين بخير.. وخرجت من المستشفى بعد شوية فحوصات وأشعات على رجليها.. بعد ما تحاملت على نفسها عشان تكمل الحفل بنجاح.. شكرًا بجد على كل الحب والدعم ده». 

وأعقب ذلك بتغريدة أخرى قال بها، " شكر كبير جدًا لدولة الإمارات وإمارة دبي على واحدة من أعظم حفلات شيرين على الإطلاق.. وده بشهادة الجمهور العظيم والرهيب اللي كان حاضر امبارح وطبعًا أكيد حابب أشكر جدًا شركة moments على التنظيم الرائع والمحترم وكرم الضيافة".

وأضاف، " أخيرًا بقى بالنسبة للمفاجآت اللي وعدتكم بيها قبل الحفل، خليكم واثقين إن اللي جاي كتير جدًا وحفلات في كل حتة إن شاء الله.. ومش هنهدى بأي شكل عشان شيرين عندها طاقة وحماس ملهمش آخر.. ووعد مني إن شاء الله نعوضكم".

واختتم مدير أعمال شيرين عبد الوهاب حديثه قائلًا: «آخر وأهم حاجة هي للناس اللي بتجرح بالكلام، وحديث عن النبي محمد صلى الله عليه وسلم: "لا يستقيم إيمان عبد حتى يستقيم قلبه، ولا يستقيم قلبه حتى يستقيم لسانه».