أول تعليق من هاني محروس على أزمته مع خالد الفايد: «قال كلام محصلش.. وأنا مغلطتش في حد»
كتب: نسرين إبراهيم
علّق المنتج ومهندس الصوت الشهير هاني محروس، لأول مرة على أزمته مع الشاب خالد الفايد نجم ذا فويس كيدز، بعدما وجه الأخير لمهندس الصوت العديد من الاتهامات منها تعرضه للتهديد منه بعد اعتزاله الغناء كونه كان ملتزمًا معه بعقد وشرط جزائي ولم تنتهي المدة المحددة بالعقد.
وعقب مهندس الصوت هاني محروس، على الجدل الذي أثير، عبر مقطع فيديو قام بنشره على موقع الصور والفيديوهات الشهير "إنستجرام"، قال فيه: "مش عارف ابتدي منين، أو أقول إيه، بس بشكر كل الناس كل أخواتي وحبايبي وعشرة عمري وأصحابي، وبشكر مراتي وأولادي، وبشكل كل حد واثق في أخوه هاني محروس".
وتابع: "الحقيقة أنا بشكرك يا خالد، علشان أنت خلتني حسيت إن كل الناس بتحبني، وعارفة مين هاني وعارفة إن هاني مايعملش الحاجات اللي انت قولتها، ولو أنت حاولت ما بين السطور يا بني تبين حاجة ما حصلتش، فهي برضه ظهرت، وبشكر ربنا إن أنا على حق وإن أنا مغلطتش في حد".
واستكمل: "أحلى حاجة في الدنيا، إن الواحد ينام ويصحى يلاقي كل الناس كتباله كلام حلو يفتح نفسه على الدنيا ويفتح نفسه على شغله تاني ويأمن إن في خير وإن الناس لسه بخير، فضل وعدل من ربنا الاحساس اللي أنا فيه ده نعمة أنا مستهلهاش".
واختتم المنتج هاني محروس بقوله: "بشكر ربنا إنه دايما بيسخر الناس للناس، والحمد لله ربنا سخرلي كل الناس تتكلم عني وأنا ماردتش ومش هرد علشان أنا واثق في الله وواثق إن عمري ما أعمل الحاجات اللي إتقالت عليه".
View this post on Instagram
وكان خالد الفايد كشف تفاصيل أزمته مع المنتج هاني محروس، مشيرًا إلى أنه سافر خارج مصر خوفًا من تهديداته له بعد اعتزاله الغناء كونه كان ملتزمًا معه بعقد وشرط جزائي ولم يلتزم بالمدة المحددة بالعقد.
يذكر أن المنتج هاني محروس قد طرح مؤخرًا للمطرب خالد الفايد نجم ذا فويس كيدز، أولى أغنياته التي تحمل اسم "أنا حد جديد"، عبر القنوات الفضائية وموقع اليوتيوب، وأشهر منصات الأغاني، وتصدّرت التريند وقتها على مواقع التواصل المختلفة ولاقت نجاحًا كبيرًا.
