صافياز: «ولا مرة رقصّت لجوزي .. مش كفاية أنا رايحة جاية قدامه»

كشفت الراقصة صافيناز عن تعرضها للخيانة من قبل الشاب الذي جمعتها به قصة حب، وذك خلال لقاءها مع الإعلامي العراقي نزار الفارس، عبر قناة دجلة العر اقية.

وأشارت "صافيناز" خلال اللقاء، قائلة :"أغلى هدية جات لي من خطيبي طاقم ألماس، ولكن سبته لأنه قال لي لازم أسيب الرقص والتمثيل وكل شيء، وأنا رفضت لأن الراجل دايما خاين لكن المسرح مش بيخون وقاعد مستنيني".

وأضافت، نجمة الرقص الشرقي، قائلة :"أنا حبييي خاني، فقررت أسيبه ورقصت جبار من غير مشاكل، وكل ما قلبي يتسكر برقص جبار، ولا مرة رقصت لجوزي مش كفاية أنا رايحة جاية قدامه، أنا برقص للجمهور وهو ما أتجوزنيش علشان أرقص له، لأني شخصيتي على المسرح حاجة وفي البيت حاجة تانية".

وواصلت، قائلة :"مش لازم أتمرن كل يوم إحنا بني آدمين، في أيام كنت برقص في سبع أفراح يعني سبع ساعات، ولو زعلانة بطلع على المسرح سعيدة علشان أبسط الجمهور، وأمنيتي أدخل بوليوود وأمثل مع شاروخان، وأتمنى تكون أمي معايا طول العمر".