باسل الدراوي يتحدث عن دوره في ياما في الجراب يا حاوي

تحدث الممثل باسل الدراوي، عن مشاركته في "ياما في الجراب يا حاوي" وقال:  كانت أول تجربة احترافية مسرحية بالنسبالي ، وكان حلم اني اقف مع د.يحي الفخراني على خشبة واحدة تجربة من أعظم ما يكون الحقيقة ممتعة وصعبة ومرهقة وحماسية.

وتابع: من اول اوديشن القبول لحد اللحظة اللي تم اختياري للمشاركة في العرض الضخم ده و طبعا مع مخرج كبير زي "مجدي الهواري" ف كنت بابذل اقصى ما عندي و زيادة ف كل التمرينات و الاختبارات و البروفات المؤهلة  عشان اكون موجود و اتقبل . 

وأضاف:  "كان بيتم تدريبنا للاستعراضات المسرحية بقيادة العبقري "عمرو باتريك"  و فخور اني كنت محظوظ اني اشتغل تحت ايده ، صاحب فضل حقيقي كبير عليا فخطوات كتير حققتها، كنت مشارك لاول مرة في "الاستعراضات" كـ حركة درامية.

و عبر عن سعادته بدوره وقال: "من الممتع في التجربة ان فـ مشاركتي مشهد "السوق"  كان كلامي اللي باقوله انا اللي كاتبه ، و الشكر لاستاذ "ياسر ابو العنين" انه وافق و سمح لي بالاضافة و لو بسيطة فعمل بالضخامه دي  .. استفدت جدا و كنت محظوظ انا و الكرو  ان ف يوم بروفة جالنا الممثل الفنان العبقري "اياد نصار" و اشتغل معانا ورشة "ممثل"  و تعارف  و افادنا كتير طبعا و ساعدنا ، و كان فيه تعاون و التزام و احترام مميز جدا بين كل الكرو من انتاج و اخراج و ممثلين .. اشتغلنا موسمين اكتر من ٥٠ ليلة عرض من البهجة و المتعة و الفن الحقيقي الحمد لله رب العالمين . طبعا نفسي نعمل موسم تالت قريب و نعيش التجربة المبهجةدي تاني خصوصا ان الجمهور كان بيطلبها كتير و بيحضر اكتر من مرة  .

اقرأ أيضًا: «بهاء سلطان زمانه بيبكي دلوقت».. هجوم حاد على عفروتو بعد...