رد ناري من بدرية طلبة على شائعات خضوعها لعملية تجميل

علقت الفنانة الكوميدية بدرية طلبة على ما أثير حولها القترة الماضية، والشائعات التي طالتها حول إجراءها العديد من عمليات التجميل في وجهها.

بدرية طلبة وعمليات التجميل

ونشرت بدرية طلبة، صور لها من أعمال في رمضان 2023، دون مكياج، وعلقت عليها قائلة، " دي صور من أعمالي قبل رمضان وفي رمضان علشان اللي بيقول عمليات التجميل خلتني واحدة تانية مش أنا، وإني بعمل تجميل علشان أبقى حلوة يمكن أعمل دور هانم ومش هيليق عليا علشان أنا شكلي وصوتي شعبي! في حاجة اسمها تجميل بالميكب وفيه حاجة اسمها فلاتر العالم كله بيستخدمها يتصور بيها".

وأضافت، " اللي عايزة تحلي نفسها مش هتطلع تقول سنها وتحكى عن أحفادها وتعمل أدوار زي اللي بعملها أنا بعمل اللي أحافظ بيه على شكلي وعلى نفسي ودا الست العادية بقت تعمله والشعبية اللي مش عجباك شرف ليا إني معجبش واحد زيك".

واختتمت رسالتها: "شوف بقي حاجة تانية قولها علشان أنا لسه زي مانا العالم كله بيحبني ومحدش أخد ولا يقدر ياخد مكاني بدرية طلبة ملكة الكوميديا في مصر والوطن العربي غصب عنك وعن اللي زقك وعن اللي شبهك".

من صاحب الرسالة الغامضة

ومع منشور بدرية طلبة تسأل الجمهور عن الشخص الذي وجهت له هي رسالتها، ونكشف أنه السيناريست أيمن سليم، والذي كتب منشور منذ عدة أيام نصح به الفنانة بالابتعاد عن عمليات النجميل حتى لا تفقد بريقها الكوميدي الذي اشتهرت به خلال السنوات الماضية.