نجوم الفن يهاجمون حلا شيحة بعد قرار عودتها للتمثيل

بعد إعلان الدكتور أشرف زكي نقيب المهن التمثيلية، عودة الفنانة حلا شيحة إلى التمثيل مرة أخرى توقع الجميع أن ذلك القرار بمثابة الرأفة بها، إلا أن الفنانة تعرضت لموجة من الهجوم الشديد. 

مفيدة شيحة 

ظهرت الإعلامية مفيدة شيحة، من خلال برنامجها التليفزيوني وهاجمت حلا شيحة قائلة: "حلا شيحة عايزة ترجع تمثل.. حقيقي أكيد أنا هقول كانت فنانة متميزة وجميلة وأتمنى جدًا إن هي ترجع تمثل.. حقيقة الأمر حلا شيحة غلطت مرتين تعترض وتقول بعد ما الجمهور بيصدق وهو بيحبها أصلًا تقول لأ مش لاعبة الفن ده حرام".

وأضافت، مفيدة شيحة: "هي نقلت إحساس إن كل من يعمل في هذا المجال وكل الناس اللي بيحبوها إن فيه حاجة غلط.. كل الناس عارفين إن انتي موهوبة وكل الناس عارفين إن انتي بنت ناس.. وكل الناس عارفين إن انتي حد ملتزم حد طيب.. ولكن الجمهور والفنانين محتاجين إن هما يثقوا فيكي.. وعشان حد يثق في حد لازم يحسسني إن هو يقدر يواجه إن هو واخد قرار".

صبري فواز وحلا شيحة

فيما قال الفنان صبري فواز عبر حسابه بموقع التواصل الاجتماعي: "هي عندها مشاكل نفسية ومرتبكة ذهنيا .. أنت اللي بتعمل للجلة سعر".

ماجدة خير الله وحلا شيحة

فيما هاجمت الناقدة ماجدة خير الله عودة حلا شيحة للفن، في مداخلة هاتفية لأحد البرامج، "رأيي أن غياب حلا شيحة أو وجودها لا يترك أثرا، وإحنا بندي قيمة كبيرة جدا بالحديث عن وجودها أو اختفائها، هي فنانة محدودة الموهبة وفي عشرات من الممثلين والفنانين الموهوبين بجد محتاجين إلى فرص، وافتقادها مش حاجة مهمة، وهناك فنانات سواء خريجي معهد أو لأ ولكن موهوبين جدا، وأخذوا فرص واثبتوا وجودهم".

محمد عطية وحلا شيحة

فيما قال الفنان الشاب محمد عطية عبر حسابه بموقع التواصل الاجتماعي:  "أهو عندك واحدة زى حلا شيحة دى .. بعدت ١٤ سنة عن الشغلانة بمزاجها .. ولما حبت ترجع رجعت وعملت بطولات .. هوب قالتلك لاء فكنا .. انا هابطل تاني دى شغلانة بيها وعليها .. قعدتلها بتاع ٤ سنين مبطله .. هوب دلوقتي بتحكها عشان ترجع تالت .. وهاترجع وهاتاخد بطولات .. ف حين ان فيه غيرها موهبتهم احسن منها وشكلا وسناً أفضل بيحفروا ف الصخر ومش عارفين ياخدوا ربع فرصها .. "والأسره الفنية" مش عايزه تحن عليهم ".