تامر عاشور يهاجم شيرين عبد الوهاب وعمرو مصطفى وينتصر لأنغام

علق المطرب تامر عاشور، على من الأحق بلقب صوت مصر بين كل من الفنانة شيرين عبد الوهاب، وأنغام، خلال لقاءه ببرنامج "حبر سري" مع الإعلامية أسما إبراهيم.

وقال تامر عاشور خلال الحلقة، " أنغام هي الأحق عندنا في مصر أصوات كتيرة، لكن إحنا مفتقدين شوية موضوع إنت بتعمل إيه في حياتك غير إنك بتطلع على المسرح وتغني".

وأضاف، عاشور، " "أعتقد أن 70% من حياة الفنان، أنك تحترم مواعيدك وجمهورك وكلامك وطريقتك، ومش كل حاجة لازم نعرضها على الجمهور".

كما هاجم تامر عاشور، عمرو مصطفى، قائلًا، "بيصعب عليا يطلع حد مصري يتكلم ويقول الصناعة انهارت طب ما انت في الصناعة، انهارت ازاي وانت موجود؟ ما انت عمود من أعمدة صناعة الموسيقى".

مستكملا عن تجربة الغناء بالذكاء الاصطناعي، التي يقوم عمرو مصطفى بالإعداد لها حاليا، " مشوفتش تجربة عمرو مصطفى مع مي فاروق، ومي فاروق أصلًا صوتها لوحده حكاية ومش محتاجة أي ذكاء اصطناعي، وأم كلثوم كانت موجودة وربنا افتكرها ومن وجهة نظري الغناء بالذكاء الاصطناعي مش هينجح ولا هيشوف النور، لأن أنا عارف أن مش أم كلثوم اللي بتغني والجمهور مش حد عابر".