تامر عاشور: «هرفض بنتي تدخل الوسط الفني .. لو ولد هسيبه عادي»

كشف المطرب تامر عاشور، عن رأيه في دخول ابنته لعالم الفن، خلال لقاءه ببرنامج "حبر سري" مع الإعلامية أسما إبراهيم بقناة القاهرة والناس.

وأشار تامر عاشور، خلال الحلقة، قائلاً :"دي تبقى موهبة لكن يكون ليها مستقبلها، هو اختيارها في النهاية لكن أنا هبقى رافض لأن الوسط ليه متاعب كتير زي أنك تسهر وأن تسيب دراستك".

وأضاف، عاشور، قائلاً :"لو خلصت دراستها وخدت الشهادة وبدأت تفكر في موضوع الاحتراف كده هيبقى متأخر لكن لو من البداية، لو هي عندها موهبة همنعها لأني بخاف عليها لكن لو ولد هسيبه حتى لو هيغني في الأفراح".

وعن تفاصيل خلافه مع المنتجة سارة الطباخ، أجاب تامر عاشور، قائلاً :"كنا مضينا عقد على أساس خطة معينة، وكان عندها فجأة حمية إنها تعمل ألبوم، وإتكلمنا وجيبنا محامي، وطلعت الفكرة بالنسبة لها واهية، زي ما هي لها أفكار كتيرة واهية في كل الحاجات".

مستطردًا، :"هي منتجة فنكوش أكتر من ما أي حد يتصور".