سمية درويش تكشف سر خلافها مع شيرين عبد الوهاب: «ليها حق تكرهني»
كتب: شاهيناز خليفة
كشفت المطربة سمية درويش، عن سر الخلاف بينها وبين شيرين عبد الوهاب، مؤكدة حبها الشديد لها وأنها لن تكرهها مهما بدر منها مواقف تسئ لها.
وأوضحت سمية درويش خلال لقائها في برنامج «بنت البلد» التي تقدمة الفنانة نشوى مصطفى، عن الخلاف بينها وبين شيرين، مؤكدة أن لها حق أن تكرهها.
وتحدثت سمية عن خلافها مع شيرين، قائلة: «أنا أول حاجة عملتها في حياتي كانت «قلب وراح» فلما نزلت اللي نزلها كتب عليها اسم شيرين عبدالوهاب وكانت بصوتي، وطبعًا حصل لبس في الموضوع ده والناس افتكرت فعلا أنها شيرين».
وتابعت: «مش ده اللي أنا عملته ومش بحب أكون مش شبه حد وبحب أكون مختلفة، المنتج كان حابب اللقطة دي أنه يجيب ألحان شبه الألحان اللي بغنيها وأنا مش بحاول أحط نفسي في الموقف ده».
وأضافت: «شيرين لها فانز كبير وأنا واحدة منهم لكن الناس متقبلتنيش علشان بقلدها وفيه ناس حبتني علشان شبهها، وشيرين لما لاقت صورتك قالت نزلوا الزفت ده، الموقف فعلا حصل لكن مش بحب أحكيه».
وعن سر سردها للموقف للصحافة، كشفت سمية أن المذيعة كان عندها خلفية عن الموقف ده فأجبرتني على سرده، مؤكدة أن شيرين لا تضهدها وأنها أقل من أن تفكر فيها.
وعن سر كره شيرين لها، قالت سمية: «هي كرهتني وليها حق تكرهني بسبب الصحافة بس هي قلبها طيب ومش بتكره حد، أنا مكنتش واقفة وقتها بس الولد السايس صورها وهي أول ما نزلت ولقت الصورة خليتهم ينزلوها، وقلت للسايس متعملش كدة ومتصورش حد تاني».
واختتمت: «هي مش مضايقة مني، هي متضايقة من فكرة الصحافة اللي روجت أن أنا جاية أهد عرشها لكن أنا بحبها ومش بحب أحكي الموقف ده، أنا علشان بحبها مفرقش معايا الموقف وكنت فرحانة أنها شافت صورتي بس مش مهم تشتمني ولا لا».
View this post on Instagram
