أوضحت شاليمار شربتلي زوجة المخرج خالد يوسف عن سبب تسمية ابنتها على اسمها، مؤكدة عدم غيرتها على زوجها، بقولها: "أنا متجوزتش شيخ مسجد أنا اتجوزت مخرج" على حد قولها.

وقالت "شاليمار شربتلي": "والله مش أنا اللي اختارت الاسم لبنتي، لكن اللي اختاره خالد يوسف، عمل أنه رومانسي، واتفاجئت بيه بيكتب اسمها شاليمار، وهو فعلا كان وقتها رومانسي، أيام الرومانسية".

كما أكدت أنها لا تغير على زوجها المخرج خالد يوسف، بقولها: "لا خالص أنا مش بغير، أغير عليه ليه ده هو اللي بيغير، وكون أن في بنات بتقرب منه لأن ده مجاله، أنا متجوزتش شيخ مسجد أنا اتجوزت مخرج، وهو اتجوز رسامة، هو حواليه ناس كتير والرسامة حواليها ناس كتير، وعن قناعة ارتبطنا ببعض، وأنا أصلا شخص مش غيور ودي من مواصفات برج الدلو"، وجاء ذلك خلال استضافتها مع الإعلامية سهير جودة عبر صفحتها الرسمية على "فيس بوك".

وعلى جانب آخر، حقق خالد يوسف نجاحًا هائلًا بمسلسله الجديد سره الباتع، والذي يُعرض طوال شهر رمضان على شاشة ON ومنصة واتش إت، وضم العمل عددًا كبيرًا من الفنانين، أبرزهم أحمد فهمي، أحمد السعدني، حنان مطاوع، حسين فهمي، أحمد عبد العزيز، هالة صدقي.

إقرأ أيضًا:

خالد يوسف: أتمنى تقديم جزء ثانٍ من فيلم «حين ميسرة»