أسماء جلال عن إهانتها لمعجبة: «رد فعلي مش ألذ حاجة»

كشفت الفنانة أسماء جلال، عن إهانتها لفتاة في أحد المطاعم أثناء تناولها العشاء، وذلك بسبب سوء تفاهم بينهما، وذلك في ستوري نشرتها عبر صفحتها الرسمية على موقع تبادل الصور والفيديوهات «إنستجرام».

ووجهت أسماء جلال رسالة إعتذار للفتاة عبر «إنستجرام»، قائلة: «إمبارح كنت بتعشى في مكان ما وحصل موقف من بنت قاعدة بتتعشى، قالتلي كلام أنا فهمته غلط، وكان رد فعلي مش ألذ حاجة».

وتابعت قائلة :«يارب البنت اللي أنا كنت مش ألذ حاجة معاها تكون بتقرأ الكلام ده لأني من إمبارح وأنا ضميري واجعني، وبفكر طول اليوم النهاردة إزاي ممكن أوصلك واعتذرلك».

واعتذرت أسماء من الفتاة، قائلة: «أنا آسفة فهمتك غلط، ولما فكرت عرفت إن نيتك كانت كويسة، أنا اللي أتسرعت، حقك عليا وآسفة لو زعلتك أنا بجد مكنتش أقصد يارب تشوفي كلامي».

وكان آخر ظهور لأسماء جلال على الشاشة من خلال مسلسل «الهرشة السابعة» والذي عرض في رمضان الماضي 2023، والذي حقق نجاح كبير، المسلسل من بطولة أمينة خليل، علي قاسم، محمد شاهين، أسماء جلال، محمد محمود، عايدة رياض، والعمل من تأليف مريم نعوم، وإخراج كريم الشناوي.