سهير شلبي لـ العاصمة: «عمري ما فكرت في الجواز من أحمد زكي»
كتب: رنا خالد
قالت الإعلامية سهير شلبي عن صداقتها بالفنان الراحل أحمد زكي للعاصمة: «كنا شلة أصحاب بنروح المصيف وبنقعد مع بعض، وأحمد زكي من أنضف وأنقى وأروع الشخصيات في حياتي وكان بالنسبالي صديقي الأنتيم».
وردًا على سؤال.. هل لو عرض عليكي الجواز هيكون ردك إيه فقالت «جواز NO لأنه كان هوائي وانفعالي جدًا وعلاقتنا كانت صداقة، بالظبط زي ما بتقولوا دلوقتي صديقي الأنتم، فأحمد زكي كان صديقي الأنتيم»
وأضافت سهير: «وكان يقولي نفسك ف إيه يا سوسو، قولتله مرة نفسي آكل موز، كان ينزل ويجيبلي، ومرة قولت نفسي أركب حنطور، كان يعمل كل ده، وكمان لما كنا بنقعد مجموعة كبيرة أوى أصحاب مع بعض وحد يعوز حاجة من أحمد كانوا يقولوا سوسو قولي لأحمد عايزين كذا».
وقالت سهير عن الفترة الآخيرة في حياة الراحل أحمد زكي: «أنا كنت موجودة دايمًا في المستشفى بفترة مرضه، وأحمد كان شديد العبقرية ولما فقد بصره كان بيحسس الكل إنه شايفهم، وأثناء تصويره لفيلم السادات كان بيجرب فينا ودايمًا يتكلم بطريقة السادات».
