بسمة وهبة عن ارتفاع أسعار اللحوم: «متتكسفش تشتري ربع كيلو لحمة»

هاجمت الإعلامية بسمة وهبة، تجار اللحوم وذلك عقب ارتفاع أسعارها الهائل خلال الأيام الماضية مع اقتراب عيد الأضحى المبارك 2023.

وكشفت بسمة خلال برنامجها 90 دقيقة، أن تجار اللحوم هم السبب في ارتفاع أسعار اللحوم، قائلة: « منهم لله كل تاجر جشع، وكل اللى لعب في سعر اللحمة، واللى سرقوا فرحة الناس الغلابة، في ناس مبتعرفش طعم اللحمة، غير من العيد للعيد».

ووجهت بسمة وهبة نصيحة للجمهور، قائلة: «متتكسفش أنك تشتري ربع كيلو لحمة، خليك على قدك، وفقًا للأرقام والإحصائيات مفيش إقبال على شراء الأضاحي السنة دي نهائيا».

وأوضحت بسمة، «هناك ركود في الأسواق بسبب ارتفاع الأسعار، وصل فيه سعر كيلو اللحمة لـ 175 جنيها، وسعر العجل وصل لـ 90 ألف جنيه بسبب جشع التجار ارحموا الغلابة يرحمكم ربنا».

وأضافت: «متقولوش العلف والدولار أنتم بتتحججوا علشان بتقعدوا تسمنوا في الخرفان، وتحطله ملح في العلف عشان يوزن، وتضحك على الزبون غشاشين وكدابين».