لن تصدق رد فعل أحمد سعد على سخرية سمية الخشاب من ملابسه

رد الفنان أحمد سعد على سخرية طليقته الفنانة سمية الخشاب الأخيرة من ملابسه الشفافة، وذلك على هامش حفل توزيع جوائز ميدل إيست ميوزك أورد MEMA في مدينة العلمين الجديدة.

وعلق أحمد سعد، قائلا: «سمية الخشاب تقول اللي هي عايزاه، وكل واحد يقول اللي هو عايزه وهما كلهم جمهوري وكلهم ناس عايزين مصلحتي، وإنها ترقص على أغنيتي أكيد هي بتحب تشجعني دايمًا وأكيد بتحبلي الخير وإني أكون ناجح، وأكيد الناس مش عايزة تصطاد ليا الأخطاء، كلهم عايزنّي أبقى أحسن وبقيت بالفعل».

أما عن زوجته علياء بسيوني، عبر أحمد سعد عن حبها ودعمها له، مؤكدًا أنها السر الأكبر والأعظم في نجاحه، واستكمل حديثه قائلا: «وربنا يخليها ليا ويخلي ليا بنتي علشان بنتي مهمة جدًا».

وعن هجوم الناس عليه في حفل جدة والانتقادات التي طالها بسبب ملابسه، قال سعد: «أنا بشكر كل الناس اللي هاجمتني، لأنهم شايفين إني فرد من أسرتهم وواحد منهم ومارضيوش عليا كده إني ألبس حاجة وحشة، حسيت إني جوا كل بيت وجوا كل أسرة، مش هظهر كده تاني، ولو في حاجة شبك هخيطها أنا على إيدي».

وأضاف: «الناس شايفنِّي في حتة تانية وجوا بيوتهم وأسرتهم، ياما ناس لبست كده ولبست حاجات تانية، ولكن أنا فعلًا مش من الناس اللي بتصر على الحاجات الغلط، وبطلع أقول أنا غلط طالما معجبهمش».

وحاز الفنان أحمد سعد على 3 جوائز خلال حفل توزيع جوائز ميدل إيست ميوزك أوورد MEMA، وهما جائزة أفضل مطرب، وأفضل فيديو كليب عن أغنية "وسع وسع"، وأفضل أغنية لفيلم عن أغنية "إيه اليوم الحلو دا".