بوسي: ندمت على الشغل في شارع الهرم وبحمد ربنا إن لسه فيا مخ بعد اللي شوفته

أبدت المطربة بوسي، ندمها على العمل في شارع الهرم في بداية حياتها الفنية في سن صغير.

وقالت "بوسي": "مقولتش شغلي في شارع الهرم تنازل ولكن ندمانه عليه، هو في ميزة واحدة علمني اتعامل مع الناس وخلاني عندي خبرة في التعامل، مضيفة: "بصراحة مكنتش حابه أكون موجودة واشتغل في الاماكن دي، حاجة متعبنيش، بس مش شبهي".

وتابعت: شوفت فيها حاجات كتير مش لازم أقولها، ملاهي ليلية عايزة يحصل فيها إيه!، بس أنا كنت عيلة صغيرة وبأكل عيش مش أكتر".

واستطردت: "مكنتش عايزة استمر فيها، بس في بقى اللي بيخليكي تستمري واللي جبرك على الشغلانة، أنتي مش شغالة بمزاجك شغالة غصب عنك وبالإكراه".

كما لفتت إلى أنها تعرضت للضرب والإهانة من أجل الاستمرار في هذه المهنة، بقولها: "اضربت عشان انزل الشغل، خناق وضرب وإهانة، فعايزاني أحب الشغلانة دي ليه! إذا كنت بشتغلها غصب عني وبروحها إجبار".

واختتمت بوسي حديثها قائلة: "عانيت كتير، والحمد لله إني لسه فيا شوية عقل بعد اللي أنا شوفته في حياتي، لو واحدة غيري وشافت اللي أنا شوفته، كانت لسعت أو ماشية على الله في الشوارع أو مكاني في مستشفى المجانين"، وجاء ذلك خلال استضافتها مع الإعلامية أسما ابراهيم في برنامج "حبر سري" المذاع عبر شاشة "القاهرة والناس".

إقرأ أيضًا: «عليا الطلاق أبوظ الجوازة».. مقطع فيديو للمطربة بوسي يثير الجدل بحفل زفافها