«انا مش مسامحك».. ملحن أغنية «عيش بشوقك» يُكذّب الفنان حمادة هلال

كشف بلال سرور ملحن أغنية «عيش بشوقك»، تفاصيل جديدة حول الأزمة التي اندلعت  الساعات الأخيرة بسبب تصريحات المطرب حمادة هلال.

ونشر «سرور»، عبر حسابه الخاص بموقع التواصل الاجتماعي «فيسبوك»، منشور يوضح فيه كل ادعاءات الفنان حمادة هلال، قائلا:«الفنان حماده هلال  بيقول

١- غنوه إشتغلت عليها ٦ شهور !!!!

ده محصلش انت جيت جربتها فصوتك فيوم

ومشفناكش ولا سمعنا صوتك غير بعدها ب ٦ شهوور .

٢ - والدتي كانت تعبانه

والدتك ربنا يرحمها تعبت بعد الفتره دي بكتير

وكنت شايف شغلك وافراحك وحفلاتك

وكنت كمان بتجرب اغاني تانيه عند زملا لينا

٣ - محاوله ادخال الفنان تامر حسني بدون اي داعي  وانت عارف ان الاغنيه دي تحديدا انتاج هاني محروس والحقوق كانت معاه وانت كلمته

٤ - الفنان حماده هلال مكنش عايز ( يشتري الاعنيه ) وكان طول الفتره دي بيدور علي منتج ينتجهالو !!!

٥ - مش احنا أول ناس الفنان حماده هلال يعمل معاهم كده وحصل كذا مره

٦ - للي مش فاهمين من الجمهور

مهنتنا قايمه علي الحقوق والاوراق  اللي بتدي الفنان الحق انه يستغل الاغنيه

والفنان حماده هلال مش معاه اي حق من دوول وكمان هو لفتره اكتر من ٦ شهور كنا بنحاول نتواصل معاه وهو اللي مش مهتم.  والسبب مش والدته زي ما هو بيقول دي الحقيقه

ده أخر كلام

إحنا ناس محترمين وبنشتغل واحنا ساكتين ومبنجيش علي حد طول عمرنا

والقصه دي قديمه من ٤ سنين والوسط الفني مله عارفها بسبب انه كان ماشي فكل حته يتهم الفنان تامر حسني انه خد منه غنوه !!!!

وانا مبحبش الحكايات دي كلها اصلا وزهقت من الشغلانه دي كمان

فلو سمحت بلاش الرسايل اللي بتتبعتلي

والحجات اللي بتتقال

وللنجم الكبير اللي بحبه

انت ضللت جمهورك وعملت حكايه مالهاش اي لازمه وظلمت ناس اتعاملت معاك بكل حب واحترام وكلت معاهم عيش وملح !!!

وانا مش مسامحك الا لما تعتذرلنا ».

كان الفنان حمادة هلال، قد تحدث من خلال برنامج «حبر سري»، المذاع عبر فضائية «القاهرة والناس»، عن أغنية «عيش بشوقك» التي غناها الفنان تامر حسني عام 2018، وأكد أن الأغنية كانت في الأصل له وأن الملحن بلال سرور لم يتواصل معه قبل أن يعطيها للفنان تامر حسني.