رحاب الجمل لـ«العاصمة»: أوس أوس جبلنا الكلام من مخرج فيلم مستر إكس
كتب: رنا خالد
قالت النجمة رحاب الجمل عن دورها في فيلم مستر اكس: "أول ما اتعرض عليا ورق الفيلم وشوفته قعدت أضحك، وكلمت أحمد فهمي والمخرج أحمد عبد الوهاب وقولتلهم أنا عاوزه أصور بكرة".
واستكملت لـ«العاصمة»: "بوعد الناس اللي هتتفرج على الفيلم إنها هتضحك بجد، وفي الكواليس أوس أوس كان بيعمل فينا مقالب وبيضحكنا كتير لدرجة مش عارفين نركز، وكنت مش بمسك نفسي بسببه ويجيبلي الكلام من المخرج".
وأضافت الجمل: "الكواليس كانت حلوة واتضايقنا جدًا إن التصوير خلص كنا بنتمنى نفضل مع بعض أكتر، وجيت النهاردة علشان أشوفهم تاني".
