ياسر فرج عن الهجوم على محمد رمضان: بيستفزهم بالعربيات (فيديو)

تحدث الفنان ياسر فرج، عن الفنان محمد رمضان وتصرفاته على «السوشيال ميديا» وعن حقيقة محاولاته لاستفزاز الجمهور.

وأوضح ياسر فرج خلال لقائه في برنامج «المنسي» مع الإعلامية «إنجي هشام» عبر قناة «هي»، أن تصرفات محمد رمضان على «السوشيال ميديا» قد تستفز بعض الناس، قائلا: «محمد رمضان شوية على السوشيال ميديا الناس شايفاه أنه بيستفزهم بالعربيات أو بالأخبار فشوية ده بيستفز بعض الناس علشان كده بيتحولوا وبيكونوا ضده».

وأضاف: «في ناس تانية بتنتقد محمد رمضان على الأعمال اللي قدمها قبل كده زمان زي عبده موتة، الألماني والأفلام اللي قبل كده شافوا أن ده وجه جزء كبير من الشباب الصغير لأعمال العنف والشغب».

واختتم ياسر فرج حديثه، قائلا: «وارد يكون الناس دي عندها حق أنه فعلا ده قصر بنسبة كبيرة لكن أشك أن محمد رمضان يكون عارف وهو بيعمل الأعمال دي أنها هتأثر بالشكل ده».

وفي ذات السياق، أشاد ياسر فرج بأداء محمد رمضان في مسلسله الأخيى «جعفر العمدة»، قائلا: « بسم الله ما شاء الله مسلسله مكسر الدنيا، محدش يقدر يختلف عليه».