تامر هجرس: القرآن والصلاة نوع من التأمل.. فيديو

تصدر الفنان تامر هجرس، التريند عبر مواقع التواصل الاجتماعي، عقب تصريحات له عن طقوسه الدينية التي يتبعها، خاصة في شهر رمضان الكريم، مبينا أنه يبتعد تماما عن العزومات والخروجات طوال هذا الشهر.

وقال «هجرس» خلال لقائه ببرنامج «أسرار النجوم» مع الإعلامية إنجي على: «رمضان بالنسبة ليا عبادة ورياضة وعزومات مع الأصدقاء، وقررت أني مروحش أي سحور مش عايز أسهر، بروح أفطر مع أصحابي وبعد كده العبادة صلاة التراويح وقراءة القرآن».

وتابع: «بالنسبة ليا الموضوع دا القرآن والصلاة نوع من التأمل، لأنك بتاخد وقت لنفسك بعيد عن أي دوشة أو زحام في المخ، المخ بيبقى مركز بس مع ربنا وربنا بيرفع الروح وقت الصلاة تحس أنك بتنضف، مهم أن أي بني آدم يكون عنده في اليوم وقت ينضف روحه عشان يدي إيجابية».

واستكمل: «أنا كل حاجة نفسي فيها عندي، ومش عايز أقول أني نفسي في حاجة لأني مكتفي بكل الأشياء اللي في حياتي، عايز يبقى عندي قناعة ورضا وأقرب من ربنا».