هالة صدقي تحيي ذكرى الشهيد أحمد المنسي: «ولادي بيفتخروا به»
كتب: نسرين إبراهيم
حرصت الفنانة هالة صدقي، على إحياء ذكرى رحيل الشهيد البطل أحمد المنسى، الذي استشهد في مثل هذا اليوم الموافق 7 يوليو الجاري.
ونشرت هالة صدقي صورة لأولادها برفقة مجموعة من جنود الجيش المصري، عبر حسابها الرسمي بموقع الصور والفيديو «إنستجرام»، وعلقت عليها: «النهاردة ذكرى المنسي اللي عمره ما هيتنسي، ولادي صمموا يتصورو مع ابطالنا علشان يفتخروا بيها بعد ما سمعوا الكثير من قصص وبطولات، ألف تحية ورحمة على كل ابطالنا والف رحمة عليك يا منسي».
وكانت كشفت هالة صدقي، في تصريحات تلفزيونية أخيرة لها، عن سبب ابتعادها عن العمل بالسينما لسنوات طويلة واستبدالها بالدراما، قائلة: «كان لازم أركّز في السينما أكتر، أنا كنت سباحة وكل الأدوار اللي جيالي مايوهات والمخرجين بيستسهلوا، والمايوه بالنسبة ليا زي البنطلون لابساه وبتمرن بيه ليل نهار، ولما يقولوا هتلبسي مايوه؟ آه إيه المشكلة؟، لقيت كل اللي جايلي بعد كده مايوهات للإثارة وبيصوروني بشكل مش مظبوط فوقفت السينما خالص، فالصور اللي مش مظبوطة بالمايوه خلتني أبطل شغل السينما».
وأضافت: «اللي اكتشفني سينمائيًا حقيقي عاطف الطيب، لأنه حطني في أدوار بعيدة خالص عني، وأول حاجة كان دور غجرية في فيلم قلب الليل، وبعدين فيلم الهروب مع أحمد زكي الله يرحمه، وكان لازم يتخططلي بعد كده هبدأ إزاي، وبسبب قلة الإدارة معرفتش أكلمها».
وأنهت حديثها: «بعد ربنا نور الدمرداش كان له الفضل أنه اكتشفني ودعمني ووقف في ضهري، فالحقيقة الله يرحمه كان ملك الفيديو وكان علامة من علامات الدراما المصرية».
View this post on Instagram
