إيناس مكي تكشف سبب عدم عملها مع شقيقها أحمد مكي

كشف الفنانة إيناس مكي عن عدم مشاركتها أعمال فنية، برفقة شقيقها أحمد مكي خلال السنوات الماضية.

وقالت إيناس مكي خلال لقاءها ببرنامج "المنسي"، عبر فضائية هي، «ياخونا أرحمونا، أنا مدركة إن في حاجة اسمها ضريبة الشهرة لأني بنت المهنة من 26 سنة، طبيعي لو انتي اسم مشهور وأخوكي ميجا ستار الناس هتفضل ترغي في نفس المنطقة طلعونا متخانقين واحنا مش متخانقين، طلعونا أن إحنا واخدين قرار منشتغلش مع بعض، والله ما حصل، طلعونا أن في بينا مشادة وهو ضهري وسندي وراجلي اللي في الدنيا، وصلت أن ليه مفيش صور بينكم».

وأضافت خلال حديثها، "وصلت أن حد قالي في برنامج ليه مش بتطلبي من أحمد يشغلك؟ ليه أنا إيناس مكي هو لو هيحتاجني هيطلبني، وهو عمره ما هيشاورلي على دور إلا لو عارف إنه هيعمل "بوم" وممكن يبقى شايف إن في مليون حاجة لأ إيناس تستاهل أحسن من كده مجبهاش تكرر، النقطة الأساسية إن مفيش حاجة مناسبة نعملها مع بعض".