بعد نشرها صورة والدها.. نجلاء بدر تهاجم ابنة إيمان البحر درويش

انتقدت الفنانة نجلاء بدر، أمنية ابنة إيمان البحر درويش عقب نشرها لصورة والدها وهو على فراش المرض، وذلك عبر صفحتها الرسمية على موقع التواصل  الاجتماعي «الفيس بوك».

وكتبت نجلاء بدر عبر صفحتها الرسمية على «الفيس بوك»، قائلة: «ساعات كتير بستغرب من الأبناء اللي بيصور والده أو والدته في ساعات المرض أو الضغف و الوهن و ينزلوها على مواقع التواصل الإجتماعي، أنا في يوم من الأيام رفضت خطيب لي يدخل لبابا الله يرحمة غرفة العناية المركزة يشوفوا».

وأضافت: «و كان ردي .. ماحدش هايشوف بابا بالشكل ده هو مش للفرجةزز  ولأن كمان بابا أصلاً كان وقتها في غيبوبة يعني مش حاسس بحد، وفي أيامه الأخيره أختي وقتها طلبت مني مادخلش أشوفه مع إني كنت مرافق له مقيمة معاه و قالتي كلمة مزقت قلبي .ز بلاش تبقى دي آخر صوره ليه تشوفيه بيها».

وتابعت: «وبالرغم من كده دخلتله و لغايه دلوقتي دي أكتر صورة ثابتة في ذاكرتي و بتألمني لما بفتكرها، إزاي بيجلكم قلب تعملوا فيهم و في نفسكم كده مهما كانت الأسباب و الدوافع ???? صورة مؤلمه للذاكرة».

واختتمت حديثها: « (اللهم استرنا فوق الأرض وتحت الأرض ويوم العرض عليك)، صدق إللي قال الشكوى لغير الله مذله».