ريم طارق تفضح شاكوش: كتب عرفي على كويتية ومغربية وأكل حقهم
كتب: شاهيناز خليفة
كشفت ريم طارق زوجة الفنان حسن شاكوش، أسرار مثيرة عن حياتها الزوجية وتهديده لها بالقتل، خلال بث مباشر عبر صفحتها الرسمية على موقع الصور والفيديوهات انستجرام.
وأوضحت طارق، أنها لا يمكن أن تكمل حياتها مع شخص هددها بالقتل، ورفعت قضية التمكين فقط لأجل الحصول على ملابسها ومتعلقاتها الشخصية.
وقالت ريم طارق خلال «اللايف»: «مفيش حاجة اسمها صُلح في مشكلة كبيرة أو بنت تتحمل مع جوزها حاججة مينفعش تتحملها، وهي عايزة تخرج بكل ود أو تشوف حل في المصيبة دي لأن هي مصيبة ودا اللي عايزه أقوله دلوقتي، اختيار غلط محدش يعتب عليَّ، والحمد لله».
وأضافت: «قضية التمكين رفعتها عشان أقدر آخد حاجتي وهدومي ومتعلقاتي الشخصية، ورحت امبارح مع بابا، ووقف برا بعد ما حسن شاكوش طرده، وأهله وصلوا بعد نص ساعة، كدة كدة مش هينفع اعيش مع واحد مهددني بالقتل».
وعن حلقة شيخ الحارة، كشفت ريم أن كل ما عُرض بها حقيقة، لافتة إلى أن شاكوش ضحك عليها.
وعن ذهابها مرة أخرى لأخذ ممتلكاتها من المنزل، قالت ريم: «رحت النهاردة الصبح البيت عشان معايا تمكين ومفتاح البيت، ولقيت الأمن بيقول لي ا. حسن مش جوا ومش هنعرف نمكنك، والنجدة جات لي وهو امتنع عن تنفيذ قرار النيابة وحكم المحكمة وكلم أمن الكامبوند وقال لهم تطلع على القسم وتروح تشوف لها حل مش هتخش، ولما جت النجدة قالوا له إن هو امبارح قالهم أنا طلقتها، وهي ملهاش تمكين، وحتى لو طلقني ليا شهور عدة 3 شهور، والتمكين مش معناه إني أعيش معه».
وأضافت: «هو ممتنع يديني حاجتي، لبسي وورق القايمة والمؤخر، وهو اختلطت عليه الأمور انه هيعرف يعمل كدة مع مين، انا من بعد ما فتحت الاكاونت دا وصل لي من كذا بلد إن بنات متاخد منها حقوقها وفلوسها وهدايا الماظ وسيارات وورق عرفي، عملت كل دا مع الناس دي عشان مكنش الكلام بينكن رسمي، من المغرب والجزائر ودبي والكويت والتجمع، الناس مستوية منك».
وتساءلت ريم طارق عن سر زواجه منها، قائلة: «جيت عندي واتجوزتني ليه عشان تداري ايه، انت اتعرضت لأيه قبل ما تخطبني عشان كدة قررت تروح تتجوز؟ ايه الحاجة اللي كنت بتداريها، الحاجة دي انا عرفتها، مش عارفة اقول لك ايه بصراحة، لحد دلوقتي محدش سمع اني بقول عنه حاجة، هو طلعني مريضة ومزورة عمل كل حاجة تغطي على الحاجة اللي عنده اللي مش عايز حد يعرفها اللي انا بردو عرفتها».
وتابعت: «اتقال لضابط النجدة ان انا اتطلقت، فلو انت طلقت عشان قضية الطلاق اللي انا رفعتها وعرفت سبب الطلاق اللي انا رفعاه قبل ما تتعرض على القضية دي انهاردة، فانا خلاص مابقاش في سر، فلو انت طلقت عرفني عشان اقول للناس ايه السبب اللي خلاك تيجي تخبط على الناس وتقول انا عايز دي من 3 سنين بنت الجيران اللي مابتسبش فرض اللي سجدت شكر لله وعملت كل الحاجات دي، اقول السبب بقى اللي انت جيت وقولت انا عايز بنت ناس عشان انت اعترضت على واحدة وقولت انها مش بنت ناس من تفكيرك ووجهة نظرك».
وعن قصة زواجها الأول ومرضها، كشفت ريم أنها كانت متزوجة في نوفمبر 2020 وانفصلت في فبراير 2022، لافتة إلى غنائه في فرحها، فضلا عن سؤاله عنها قبل الزواج، قائلة: «لو سمحت البني ادم دا ليه جمهور وبيستخف بعقولهم وبيقول انا بحافظ على ولاد الناس انا هدومي الشخصية عندك بتحتفظ بيها ليه، بس البنات كتير وبتاخد هدوهم تعمل بيها ايه؟ انت ليه عايش في جو المؤامرة دا انت مش محتاج، أنا كنت مغفلة، انا معرفش انك بتقبل ان شيخة تجيب لك سلسلة من ورا جوزها، الحاجات كتير اوي وانا برا عني، ماتخصنيش اللي يخصني انك قولت امبارح قولت احنا بنحافظ على ولاد الناس وقولت حاجات وانا سكت، انت ليه معترض انك تديني حاجتي اللي عندك محتفظ بيها ليه».
وعن سعيها للشهرة، قالت ريم: «سبب اني فتحت الاكاونت دا عشان أعرف أرد عليه، وأول ما الموضوع يخلص هقفل الاكاونت، مش مختاجة شهرة ما انا ممكن اتصور واتشهر، لكن لقب مرات مش عارف ايه دا عبء عليا، الناس كانت بتقول لي انتي اتجوزتي الشيخ الشعراوي أتاري الناس عندها نظر أنا مكنتش عارفة، وتاني يوم جوازي قال لواحدة ان جوازي منها فيلم،وبعتت لي الرسايل بينهم، انت ضحكت على البنت دي ليه، وانت قايل ان احنا مع بعض بقالك 3 سنين، ايه جو المؤامرة دا، انت فيك ايه زيادة عن البني ادمين؟ مافيش حد يعرف بنات غيرك، لو سمحت أنا مش واحدة من الناس اللي انت ضحكت عليهم واستخفيت بعقولهم الناس دي ممكن يكون مكنش ليهم ضهر، أو بيخافوا منك، وانت كنت قايل لي ان اي واحدة بتعمل لك حاجة بتنزل لها الحكومة في المكان اللي بتشتغل فيه، وتروح انت كواسطة خير تخرج عشان تبين لها ان انا الصدر الحنين، ركز في اللي انت بتعمله عشان عيب انت المفروض جيت وقعدت معايا في بيتنا وقولت لي ان الاتنين اللي اتجوزتهم شرعي واحدة كانت بتشتمني والتانية كانت مابتعمليش وباردة ومابتريحنيش، وأنا عملت لك كل خاجة، قلبت لي مجنون حاولت اعالجك، أنا مقصرتش معاك في حاجة وعمري ما كنت استوعب الغدر».
وأضافت: أهلي اعترضوا على فكرة الأكاونت وأنا اقنعت بابا إنه في ناس ربها السوشيال ميديا وبتخاف من الفانز أكتر، أنا عمري ما هسامحك على انك كنت سبب في إني اتحرم من ثواب رمضان، وبردو أنا اللي مشيت ورا جهل وتخلف عشان ارضي جوزي وانا كنت فاكراك كويس، والبنت اللي بعتت لي يوم الخطوبة وحذرتني وانا اسفة اني ماسمعتش كلامك بس انا كنت عمري ما اتخيل ان في شخص في كل العيوب دي
أما عن تصريحات شاكوش حول مرضها بمرض يمنع زواجها، قالت: "أنا حابة أشكرك أنت والشخص التاني اللي كان في حياتي عشان انتم اتهمتوني كنت مريضة فدا يثبت ان انا محدش يتكلم عني، انت كان عقلك يجيبك تقول انك دخلت لقتها مع واحد، فانا مبسوطة انك قولت ان عندي مرض احسن ما تقول حاجة تانية، ووارد انك تقول اي حاجة عشان تداري الخاجة اللي احنا عارفنها".
ووجهت ريم رسالة إلى حسن شاكوش، قائلة: «يابن الحلال دخلنا بالمعروف وهنخرج بالمعروف واديني حاجتني اللي عندك، وعرفني احنا اتطلقنا ولا لأ عشان اعرف اكمل في قضية الطلاق للضرر ولا اقول للناس لأني معنديش اي استعداد ان واحدة تتظلم تاني، كل الناس اللي انت دوست عليهم كلموني وبعتولي رسايل وفيديوهات وبعتوا لي كل حاجة».
وأضافت: «أنا طلبت نتعرض على الطب الشرعي احنا الاتنين، انا لا واحدة مزقوقة ولا عايزة منك فلوس ولا فيلا لو كنا عايزين منك حاجة كنا كاتبناك على ورق كتير».
وعن اتهامات الناس لها بأنها أخطأت في حق زوجها، قالت: «كل اللي هقوله ان اي واحدة شايفة ان انا غلطانة تروح تتجوزه وتعيش معه وتقرر ايه اللي هيحصل وايه اللي مش هيحصل وهترضى بايه ومش هترضى بايه».
View this post on Instagram
