محمود عامر يروى موقفًا له في أحد مكاتب الكاسيتنج: الموقف وجعني
كتب: مؤمن نصر
كشف الفنان محمود عامر، تفاصيل تعرضه لموقف مهين في أحد مكاتب الكاسيتنج قائلاً: «الموقف دا وجعني وجع السنين وكتبته على صفحتي لأنه حصل معايا ، الأجيال مش متواصلة أولا وفي شباب معذورة مش عارفين لكن الأوديشن في أوربا في بلاد الفرنجة لو بيعمل اوديشن بيجيب الممثل لو بيعمل دور س بيجيب فيه ٣ ويعملهم ماكياج وملابس والدور بنقعد نحفظه يومين تلاتة وبندرب عليه وبيشوفوا على الكاميرا ودول ممثلين سوبر ستار بيحصل معاهم كده».
وأضاف عامر، خلال حواره مع الإعلامية إنجي هشام، في برنامج المنسي عبر قناة هي: «إحنا عندنا بقي في الكاستينج دايركتور بيجيبوا مساعد تالت أو رابع الا من رحم ربي طبعا في مخرجين كبار ليهم كل التقدير بيبقي المخرج المنفذ أو المخرج بذات نفسه أنا مرة اشتغلت في مسلسل لبناني كان المخرج قاعد ذات نفسه رغم اني كنت عامل تلت مشاهد».
واختتم : «لما روحت عملت الاوديشن قالي طولك طب وزنك، وبعدها سألني خدت ورشة عند مين لو كنت رديت طبعا كانت هتبقي ليلة سودة، قلتلوا اه وروحت رايح ناحيه الباب ولا قولتلوا حاجه، وانا واثق أنه اكيد قال دا اكيد مجنون ولا جراله حاجه، المواقف دي بتوجع».
