طبيبة تغذية علاجية تحذر من شرب عصير القصب في المحال

حذرت الدكتورة بسمة يسري، طبيبة تغذية علاجية، من شرب عصير القصب في المحال، مؤكدة خطورة شرب عصير القصب في محال تعده بطريقة ملوثة، حيث يكون له تأثير سلبي خطير على صحة الإنسان.

وقالت طبيبة التغذية العلاجية، خلال حوارها مع الإعلامية إيمان رياض، ببرنامج "من القلب للقلب"، المذاع على فضائية إم بي سي مصر 2: "هناك كارثة صحية تحدث خلال إعداد عصير القصب تتمثل في عدم نظافة العيدان من الملوثات بشكل جيد، فعصير القصب منعش في الصيف، لكن لازم الأول نتأكد من نظافة المحل اللي بنشتري منه".

وأضافت: "في حاجة خطر جدا بتحصل إن بعض المحال بتعصر عيدان القصب من غير ما تغسله وبيكتفوا بس بإنهم بيزيلوا الزوايد اللي فيه عشان يكون سهل العصر مش عشان النظافة، فمهما يصفى في المصفة الحاجات دي بتكون موجودة فى العصير وبتلاقي شوائب في آخر الكوباية، وده بيكون له أضرار كبيرة على صحة الإنسان وقد يسبب نزلات معوية وغيرها".

وتابعت: "المحال تقدم العصير في كوبايات زجاج وبيكتفوا بغسلها بالمياه بس ومش بالمياه والصابون، وده ممكن ينقل أمراض للناس، فلازم لو هنشرب عصير يكون فى كوبايات تستخدم لمرة واحدة، والأفضل صحيا إننا نجيب عيدان القصب ونقشرها ونمضعها عشان نستفيد أكثر صحيا".

اقرأ أيضا:

بالدليل.. فضل قراءة القرآن بنية الشفاء من الأمراض