بعد استئصالها للرحم.. حورية فرغلي: الأمومة حلم عمري اللي خسرته.. والجمال مش كل حاجة

كشفت الفنانة حورية فرغلي تطورات وضعها الصحي بعد خضوعها مؤخرًا لعملية استئصال الرحم.

وقالت "فرغلي": "أنا مؤمنة بقضاء ربنا، ومن صغري وأنا عارفة أن عندي ورم في الرحم وعارفة أن دي وراثة، شالولي الرحم والورم كان لازق في كل حتة وقعدوا خمس ساعات يفكوه".

وتابع: "حاسة بنفسي أحسن بكتير وعندي طاقة ومش تعبانة وباكل كويس لإن الورم اللي على الرحم كان مأثر عليا، ودي مش أول مرة أخضع لعملية، عملت عملية شبه دي وأنا عندي 30 سنة وكان عندي 7 أورام والدكتور قالي قدامك 10 سنين وبالمساعدة تقدري تحملي ولما تخلفي وأنا بولدك هشيل لك الرحم، وما أتجوزتش خلال المدة دي".

إقرأ أيضًا: 
بعد تكذيب حورية فرغلي له.. نزار الفارس يرد: «قالتلي أنا كبرت في السن فطلبت إيدها على الهواء ووافقت»

وعن حلم الأمومة، أوضحت: "عمري ما مسكت بيبي ولما مسكتها حسيت وكإني بتكلم مع بنتي، وفي آخر الكلام قلت لها هسميكي حورية، وكنت بتكلم من قلبي، وكان نفسي أجيب بنت وده حلمي طول عمري، ومش عارفة إيه ممكن يعوض الإحساس ده، خاصة إن الحاجة الوحيدة اللي كانت ممكن تفرحني هي إني أجيب بيبي".

كما حرصت "حورية" على توجيه رسالة للفتيات بقولها: "الجمال مش كل حاجة، لو أنتي جميلة الناس هتقول واو زي القمر، ولكن لما ياخدوا عليكي هيشوفوكي عادية جدا، واللي بيعيش فعلا هو إنك تتجوزي ويكون عندك ولاد، ودي الحاجة اللي ندمانة عليها".

واختتمت الفنانة حورية فرغلي حديثها قائلة: "لو رجع بيا الزمن هتجوز، لأن هو ده اللي كان هيعيش لي، أصل مين هياخد باله مني وهيحبني بشكلي ده غير جوزي اللي مش عارفة هو فين دلوقتي وإن شاء الله يظهر"، وجاء ذلك خلال لقائها مع ET بالعربي.

حورية فرغلي لـ«العاصمة»: «أنا مش بصاحب رجالة متجوزة»

ومن ناحية أخرى، كانت الفنانة حورية فرغلي، قد أعربت مؤخرًا عن استيائها الشديد من الزج باسمها في أزمة مطرب المهرجانات حسن شاكوش مع طليقته ريم طارق، والتي أثارت جدلًا واسعًا خلال الساعات الماضية، بعد تصريح لها، أكدت فيه أنها اكتشفت خيانة شاكوش، مع فنانة لديها مشكلة صحية، وثالث حرف من اسمها «راء»، وهو ما جعل الجمهور يخمن ويربط ما ذكرته بها.

وقالت حورية، في تصريح لـ«العاصمة»: «أرفض تماما الزج باسمي في هذا الموضوع الذي ليس لدي أي علاقة به، وأعتبر هذا تشهير بي، لذلك سوف أقوم برفع دعوى قضائية في حالة الزج باسمي لأن هذا الأمر لا يمكن السكوت عليه».

وأضافت: «عمري ما قابلت حسن شاكوش ولا شوفته في حياتي ولا أعرف حتى شكله، ومش معنى إن طليقته قالت إنه كان على علاقة بفنانة تالت حرف من اسمها راء، يبقى أنا، ما في فنانات كتير تالت حرف من اسمهم راء».

وتابعت: «مش أخلاقي إن أعرف راجل متجوز، أو أصاحب حد كل الكلام ده ماليش فيه ومش بتاعت الكلام الفاضي ده، ولو في حاجة هتبقى في النور، فبلاش تدخلوني في حاجات ماليش فيها ولا ليا علاقة بيها».