هنا شيحة لـ منتقدي شقيقتها حلا: «أنا مش المحامية بتاعتها.. وكل واحد مسئول عن نفسه»
كتب: إنجي خالد
ردت الفنانة هنا شيحة على الانتقادات التي طالت شقيقتها الفنانة حلا شيحة، بسبب خلعها الحجاب خلال الفترة الماضية وإعلان رغبتها في العودة لمجال الفن.
وقالت "هنا" في تصريحات تلفزيونية: "إحنا إخوات بره الوسط الفني، لكن أنا كفنانة مليش علاقة بيها كفنانة، وهى ليها اختياراتها وحياتها ومينفعش أتدخل في ده أو يبقى ليا رأي سواء كان مع أو ضد".
وتابعت: "أنا مبتدخلش في حاجة متخصنيش، بشوف إن كل بني آدم مسئول عن نفسه، في ناس بتقولي أنتي أختها، بس أنا مش المحامية بتاعتها ولا المتحدثة الرسمية، فياريت محدش ياخد رأيي ولا يسألني عن المواضيع الخاصة دي".
واختتمت هنا شيحة حديثها قائلة: "أنا مبدخلش في الحياة الشخصية لأي شخص وكل شخص ليه الحرية في حياته، واحنا مش شغلتنا نتحكم في بعض ولا نحكم على بعض ولا نجلد بعض، مضيفة: "علاقة الشخص الدينية دي بينه وبين ربنا، ولا مرة طلعت اتكلمت في موضوع أختي ولا موضوع أي فنانة المواضيع الخاصة دي أنا مبتكلمش فيها".
إقرأ أيضًا:
«حفظى آيات من القرآن الكريم أعتبرها منارة للحياة».. جورج قرداحي يكشف حقيقة اعتناقه الإسلام
يذكر أن، آخر أعمال هنا شيحة الفنية كانت مسرحية "ميمو" بطولة النجم أحمد حلمي والتي تم عرضها ببوليفارد الرياض في شهر فبراير الماضي.
