بيومي فؤاد: قررت رفع أجري.. وعندي مشكلة مع الخجل

كشف الفنان بيومي فؤاد، سر قبوله عددا كبيرا من الأعمال الفنية في نفس الوقت.

وقال بيومي فؤاد، خلال لقائه ببرنامج ET بالعربي، إن خجله يسبب له العديد من المواقف المحرجة في الوسط الفني والحياة اليومية.

وأضاف: "فيه ناس كتير بيفتكروا إني مش اجتماعي مع إني بتشرف بالتعرف على كل الناس، ولكني شخصية خجولة ودا بيأثر عليا، وممكن أشتغل مع فنان في أكثر من عمل ونكون صحاب بس مش معايا رقم موبايله لأني مش بطلبه بسبب الخجل، والناس بيستغربوا جدا لما يطلبوا مني رقم وأقول لهم مش معايا".

وذكر بيومي فؤاد: "التمثيل بكثرة بيكسر الخجل أمام الكاميرا والجمهور في المسرح ولكنه مش بيغير الشخصية، وأحيانا ممكن لما شخص يضغط عليا أشارك في عمل وأنا تعبان ومش فاضي لكن مبعرفش أرفض بسبب خجلي".

وتحدث عن مطالبة المنتجين له بزيادة أجره، قائلا: "فيه ناس بيفتكروا إني بشارك في أعمال كتير من أجل الفلوس ولكن دا مش حقيقي، لدرجة المنتجين نفسهم بيطلبوا مني أعلي أجري تقريبا لأني صعبت عليهم، وناس كتير بيستغربوا من أرقامي وأجري لحد دلوقتي، وبفكر أرفع أجري الفترة المقبلة".