محمد عطية: «قعدت في البيت 6 سنين ومقدرش اتعامل مع واحدة أقل مني»

علق الفنان محمد عطية على التغيرات الشخصية التي طرأت عليه وأثرت في شخصيته خلال السنوات الأخيرة الماضية.

وقال محمد عطية خلال لقاء إذاعي له، :" لازم يكون في فكرة تقبل الفشل، دي سيكولوجية مهمة جدًا إنك تبقي عارفة وإنتي بتعملي عمل أن هيكون فيه نسبة نجاح ونسبة فشل، وأنا توصلت لمرحلة أن مفيش حاجة تزعلني وتخليني أكتئب، الحياة بتمشي والزمن أشطر حاجة في الدنيا وبيخلينا ننسنا الناس القريبين مننا واللي بتموت والفشل، كل حاجة بتعدي".

وأضاف، قائلاً :"أنا عايش حياتي وبجتهد وبحاول أطور من نفسي، ولو حاجة فشلت هشوف إيه العيوب وأصلحها، وأنا عديت بنجاحات كبيرة وفشل كبير، وقاعدة في البيت بسبب إدارة أعمال 6 سنين، وكل حاجة".

وعن رأيه بالعلاقات العاطفية، قال :" الحب مش أساس العلاقة، الأساس أن إزاي تقدر تعيش مع الشخص، والفكرة كلها أن تدور على حد يعرف يتأقلم معاك وتتقبلوا بعض وتعرف تختلف معاه، لازم يكونوا محترمين عقلية وخصوصية بعض، أنا مثلًا معرفش أبقى مع واحدة شخصيتها ضعيفة ومش مستقلة ومؤمنة بالمساواة، وأنا بالنسبة ليا الراجل زي الست، ومقدرش أكون مع واحدة بتتعامل معايا إنها أقل مني".

ويعد محمد عطية من الشخصيات المثيرة للجدل بسبب ما يخرج به من أراء على الجمهور، وما يعتبره الكثير فج بأراءه.