أميرة أديب تحتفل بوصولها لمليون متابع بعمل خيري.. اعرف التفاصيل (فيديو)
كتب: شاهيناز خليفة
احتفلت الفنانة الشابة أميرة أديب بوصول متابعي حسابها على موقع الصور والفيديوهات إنستجرام لمليون متابع، ولكن بطريقة مختلفة عن طريق عمل خيري.
ونشرت أميرة، مقطع فيديو عبر حسابها وشاركت بأحد الأعمال الخيرية خلاله، وظ«هرت أميرة خلال الفيديو وهي تقوم بإطعام عدد من الكلاب المشردة.
وعلقت أميرة، قائلة: «أنا فاكرة لما بقي عندى 1000 مشترك عملت فيديو بلم فيه ألف قطعة زبالة من الشارع ولو انتوا معايا من ساعتها هاي احنا بقينا مليون».
وتابعت: «أنا واحدة الأرقام عمرها ما فرقت معايا بالشكل ده لكن في نفس الوقت مؤمنة إن ربنا لما بيديني حاجة أو بيزود لي حاجة في حياتي دي مش ليا أنا بس وباخد الأوقات دي عشان أحس أن في حاجة جديدة في حياتي حتى لو كانت كبيرة أو صغيرة وباخدها ان ده دوري أني ازود حاجة في حياة حد تاني».
عرض هذا المنشور على Instagram
وأضافت: «النهاردة حبيت أوريكم إن أنا اخترت احتفل مع الكلاب وإن إحنا نروح نأكلهم كتير أوي ربنا بيزودلنا حاجات في حياتنا حتى بأصغر الطرق يعني مثلا يدخلك حد جديد في حياتك بيديك طاقة إيجابية تكون مش طايق شكلك النهاردة تكون ماشي في الشارع حد متعرفوش يقولك حلو اللي إنت لابسه أو شكلك حلو النهاردة وتحس إن ربنا شايفك وبيطبطب عليك والحاجات دي بتحصلنا كل يوم اللي علينا بس إننا نركز ونسمع زي مثلا إنك تبقى بصحتك أو أنك تشوف فيديو زي ده وتسمعه وعندك نعمة البصر».
واختتمت حديثها قائلة: «المهم دايما إنك تفتكر إن ده مش ليك إنت بس وأن في الدنيا دي بيجيلك عشان تدي ولما تدي بجد بيجيلك من كل النواحي وبطرق كتير مختلفة ولما ربنا يرزقك دورك إنك ترزق غيرك لكل الناس اللي معايا من الأول شكراً من قلبي ومبسوطة أوي أنكم لسه معايا».
اقرأ أيضًا: حقيقة طلاق نانسي عجرم وزوجها فادي الهاشم (صور)
