محمد صبحي: إحنا كنا شعب عظيم.. وكانت ريادة مصر في الفن والثقافة

تحدث الفنان محمد صبحي عن أسباب رفضه منصب وزير الثقافة، حيث أشار أنه غير عاشق للمناصب ولا يسعى إليها، وقال محمد صبحي عن هامش ندوته المقامة حاليا بساقية الصاوي: رفضت 4 مرات أكون وزير ثقافة لأني ببساطة وزير دي أقل بكتير من أنى أكون فنان، مش تقليلا من الوزير وفي ناس كتير علماء وعلى أتم الاستعداد يكونوا وزراء، لما يتساب دول والأصابع تشاور عليا أنا هقول ده مش سليم.

وأضاف: فوجئت بمكالمة من جمال السليني عايز يقابلني وعايز يعملي تمثال، قولتله طيب مش لما اموت، أنا عارف أنكم بتعملوا شغلكم بعد ما الفنان يموت زي ما الدولة بتكرم اللي مات بتقول الحمد لله مات نكرمه بقى، قالي أنا عاشق لوجهك، وسألته أنا يتعملي تمثال ليه؟ قالي هتعرف لما تشوف التمثال وخليه ذكرى عندك.

وأوضح: روحت أشوف التمثال قولتله ثانية إيه التعبير اللي أنت عملته على شفايفي ده! أنا معملتهوش قدامك، قالي آه أنا شايف أن التعبير ده بيعبر عن السخرية من العالم كله.

وأشار "صبحي": إحنا لا نتعامل مع الثقافة والفن على إنهم بيبنوا إنسان، والتنمية المستدامة لا فيه إعلام بيشرحها ولا معلم بيشرحها، هي الناس هتفهم إزاي التنمية المستدامة.

واستكمل حديثه: التنمية المستدامة مرتكزة على أسس واللي عملها الدول الكبرى عشان تبقى عظمى، وأول خطواتها هي الطفل اللي عنده 4 سنوات، وإحنا أحفادنا وأولادنا للأسف مبقوش شيء عظيم، ده جيل يا هيبني أمة يا هيهدمها، لو في أب وأم مش متربيين أصلا هيربوا أولادهم إزاي، وفي الآخر بنجيبها في الدولة، إحنا عندنا أزمة في تعداد السكان وكلما زاد السكان كانت نقمة.

وألمح: اللي بيتقال عليه فنان بيقدم دعارة فنية بيوريك لما تقتل وتبقى بلطجي هتبقى بطل، أنت لو شوفته هتبقى بتعمل زيه، أم طه حسين كانت أمية ولكن كان عندها ثقافة فنية، إحنا فقدنا نقائنا وبقى عندنا غلظة في كل شيء.

واصل محمد صبحي حديثه قائلا: لما كنا بنقرأ كتاب وأنا راجل عديت على كل العقود وأنا عندي 4 سنين وعيت على عصر الملك، إحنا تخلينا عن أجمل ما فينا، إوعوا تصدقوا إن شعب مصر عظيم، إحنا كنا شعب عظيم، وكانت ريادة مصر في الفن والثقافة.

اقرأ أيضاً: محمد صبحي: «فنانون محددون تصدروا المشهد»

بحضور الفنان محمد صبحي وعدد من الوزراء.. إطلاق مبادرة «الأب...