فيفي عبده: بطلت أسافر أوروبا لأن الساحل أحلى ومقدرش أسيبه

كشفت الفنانة فيفي عبده، أسباب عدم سفرها إلى أوروبا خلال السنوات الأخيرة.

وكان ذلك خلال بث مباشر عبر موقع تبادل الصور والفيديوهات، انستجرام، قائلة: "أنا خلاص بطلت أسافر أوروبا لأن الساحل الشمالي أحلى ومقدرش أسيبه، والعلمين الجديدة دي وهم ولازم أروحها يمكن أخد قيراط ولا حاجة، واحنا في مصر كلنا إيد واحدة وبنحب مصر.. اللهم احفظ مصر".

وأضافت فيفي عبده خلال البث المباشر: مسلسل طوق نجاة بيتكلم عن العلاقة بين المسيحيين والمسلمين وحصلي موقف لن أنساه خلال تصوير المسلسل لأن ساعتها زوج أختي توفى ولقيت الجيران جنبنا في إمبابة وقفوا معانا واخدوا الأطفال عندهم لحد ما نروح الدفنة وكمان عملوا لنا أكل.

وأضافت فيفي عبده: لما اتكلمت مع أختي عن جدعنة الجيران قالت لي إنهم مسيحيين وساعتها أدركت العلاقة الطيبة بيننا، وتأثرت بالمسلسل جدا لأنه بيناقش نفس الحالة دي، والمسيحيين والمسلمين في مصر إيد واحدة وبنحب بعض طول عمرنا، والله يحمى مصر.