محمد صبحي: التليفون بيعطلنا عن الصلاة والسوشيال ميديا تعلم الإلحاد والشذوذ

احتفل الفنان محمد صبحي أمس، بتوقيع كتاب "الأستاذ" والذي يدور حول حياته وشخصيته ومن تأليف الكاتب والصحفي جمال عبد الناصر، وكان ذلك بندوة عُقدت على هامش فعاليات معرض الساقية للكتاب.

وقال محمد صبحي خلال الندوة، عدد من التصريحات إلى الوسط الفني وعن الأعمال التي تقدم له، منوها، "إحنا فقدنا نقائنا وامتلكنا غلظة في كل شيء وبتكلم عن العالم كله مش مصر بس، إحنا لما كنا بنقرأ كتاب وانا مريت على عقود كتيرة".

وأضاف، "تخلينا عن أجمل ما فينا واحنا شعب عظيم كانوا بيتغنوا بالجدعنة والشجاعة بتاعتنا وكانوا بيطلبونا في البلاد بسبب سمعتنا، وكنا رواد الفن والثقافة، دلوقتي لو بنت قالت لولد لا هتدبح ودة لأن الفن صدر ومتمش على أنه الاستثناء وليه كشعب بنبرز أسوأ ما فينا"

مستكملا، "عملنا بلوك لاجمل ما فينا، التليفون بيعطلك عن الصلاة، 16 ساعة ماسك التليفون واشوف مين عملي لايك ومين شتم ادخل اشتمه والسوشيال ميديا أصبحت مجزرة لفظية وقتل معنوي والسوشيال ميديا بقت بتروج لشبابنا وأطفالنا كارتون يعملهم المثلية ودة المشروع القادم للعالم ويعلموك افكار توصلك للإلحاد وتدريب ممنهج على بيع وطنك وميبقاش عندك وطن ويبقى وطنك هو السوشيال ميديا الوطن الخيالي اللي عايش فيه، واية الألفاظ المستخدمة في السوشيال ميديا".