تامر عاشور مشيدًا بـ أحمد سعد: «قلبه الأبيض مايختلفش عليه اتنين»
كتب: نسرين إبراهيم
أشاد الفنان تامر عاشور، بصوت وموهبة صديقه الفنان أحمد سعد، وذلك بعد حفل "ليلة الدموع" التي جمعت بينهما في المملكة العربية السعودية.
ونشر عاشور، صورة للفنان أحمد سعد عبر حسابه الرسمي على "إنستجرام"، وعلق قائلا: "أحمد سعد بيغني أحسن من أي حد، وينافس ويُثابر ويبذل مجهود ويتحدى ويفرض نَفسه وذوقه وفنّه في كل مره لحد ما يوصل للي عايزه ويرضيه ومش أي حاجه ترضي فنان بقدرات وفن الراجل ده كل ده حصل وبجداره وتفوق وبيحصل وهيحصل كتير".
وأضاف: "لو اتكلمت عن أحمد سعد، الجدع اللي ياريت كل الناس تبقى عندها نيّته وقلبه الأبيض اللي ميختلفش عليه اتنين وناس كتير معاشرينه وعارفين ده.. كلامي مش هيوفّيه حقّه.. انا بحبك وبحترمك وبحترم مشوارك ونجاحك يا صديقي فوق الوصف وافتخر بيك ربنا يزيدك ويبعد عنك كل شر".
ورد أحمد سعد على كلام عاشور من خلال التعليقات، قائلا: "يالهوووو انا هعيط والله من الكلام الجميل ده، هحبك اكتر من كده ايه حرام عليك انا بقيت توب فان ربنا يكرمك اكتر واكتر يا حبيبي شكرا".
اقرأ أيضا: مفاجآت جديدة بشأن «سفاح الجيزة».. ايه الحكاية؟
View this post on Instagram
