دخلت الإنترفيو 5 دقايق.. رفض عمل فتاة بسبب حجابها

نشرت فتاة تُدعى نادين خالد، مقطع فيديو على حسابها الشخصي على تيك توك لتظهر خلاله وهي في حالة غضب شديدة وتتهم إحدى الشركات بأنها رفضت تعيينها، وكان السبب الذي ذكرته نادين أنها ترتدي الحجاب.

وقالت نادين في الفيديو: "بجد في حاجة مش فاهماها، طالما المكان مش عايز إنه يشغل بنات محجبين ليه من الأول مش كاتبين إنكم مش عايزين محجبات؟ بدل ما تجيبو الواحد وتجرجروه وتبهدلوه وتعاملوه بقرف قولو من الأول إنكم مش عايزين واحدة محجبة".

وأضافت: "هما مكانوش كاتبين إنهم مش عايزين محجبين عشان المنظر العام لكن البنت شافت صورتي على الواتساب وباين فيها إني محجبة، ليه بتتفاجئي لما أروح وتقولي إيه دا أنتي محجبة؟ أنا مكنتش أعرف إنك محجبة".

وتابعت نادين: "رديت على البنت قولتلها أيوة أنا محجبة والصور باين فيها إني محجبة، بعد كدا دخلتني الإنترفيو مكملتش خمس دقايق عشان بس الكاميرات تسجل إني دخلت، وإني يا حرام مجتش من التجمع للدقي على مفيش".

ولفتت إلى أنها لأول مرة تُعامل بهذه الطريقة بسبب الحجاب، قائلة: "إزاي في ناس بتعامل حد وحش بسبب إنه لابس طرحة؟ أمال لو كنت لابسة عباية مثلًا مش تربون، أنا عمر ما حد كلمني وحش عشان بس محجبة، أنا بجد مش مصدقة".

وأوضحت أنها ليست حزينة بسبب رفضها من العمل بسبب الحجاب وأنها غاضبة من هذا المنطق، مشيرةً إلى أنها حتى لو مكانتش محجبة مكانتش هتشتغل مع ناس بالعقلية دي عشان بيعاملوني بطريقة وحشة عشان لابسة حجاب، معلقة: "أنا متعصبة أوي من الموقف اللي حصل معايا دا".

اقرأ أيضا..

سيدة كادت أن تخسر حياتها بسبب الهاتف.. ما القصة؟