منى زكي: جائزة "تحت الوصاية" طبطبت عليا وهدفي فن حلو يوصل للناس

علقت الفنانة منى زكي، على جائزة أحسن ممثل وأفضل ممثلة والتي حصلت عليها ضمن فعاليات مهرجان القاهرة للدراما بدورته الثانية، منذ عدة أيام.

وقالت خلال لقاءها ببرنامج أحلى النجوم"، مع الإعلامية يوسي شلبي، "ربنا طبطب عليا اللي حصل ونجاح تحت الوصاية وتوفيق ربنا في المسلسل ربنا بيطبط عليا وعلينا كلنا، في حاجات بتكسرنا في وقت لكن الأهم إزاي نعرف نقف تاني على رجلينا ونسد ودننا ونركز في الهدف اللي عاوزين نحققه".

وأضافت منى زكي، "السوشيال ميديا خلتنا بنتعامل مع ناس مجهولة ومش عارفين إيه ورا تفكيرهم هل دا مقصود ولا مش مقصود حقيقي ولا لأ، أنا بحاول مهما حاجة وجعتني وكسرتني أعرف أقف وأركز في هدفي، وأنا هدفي أعمل فن حلو أكون مستمتعة بيه ودا بيوصل للناس".

وعلى جانب أخر تستعد منى زكي لبدء تصوير فيلم "لعب عيال" بالاشتراك مع كريم عبد العزيز وهي عودة قوية لهما بعد غياب 14 عام منذ عرض فيلم "أبو علي"، والفيلم من إخراج طارق العريان.