مفيدة شيحة: حديث أنغام عن مشاكلها العائلية أفقدها المثالية المعروفة بها

علقت الإعلامية مفيدة شيحة، على التصريحات الأخيرة التي أدلت بها النجمة أنغام، خلال لقائها مع الإعلامي أنس بوخش ببرنامج  ABtalks، والتي تحدثت فيه عن المشاكل العائلية التي عاشتها في طفولتها.

وقالت مفيدة شيحة خلال تقديمها برنامج "الستات" مع الإعلامية سهير جودة عبر قناة النهار: "أنغام مش فنانة عادية، صاحبة صوت رائع وذكاء، وأنا مابعتقدش في تاريخي وشغلتني إن مفيش مذيع يقدر يجر أي ضيف في كلام إلا لو كان الضيف نفسه عايز يقول الكلام ده، الضيف جاي عارف هيتسئل في إيه وعارف طبيعة البرنامج.. الفكرة ليه دلوقتي أنغام قررت تقول الكلام ده، عارفين معظم اللي قالته أنغام إن علاقتها مش طيبة مع والدها، إن اختها كان في خلاف معاها قبل الوفاة، وإن علاقتها العاطفية مكانتش جيدة".

وأضافت: "أنغام في اللقاء كانت طفلة تتكلم عن الماضي في شكل أنثى، لكن ما زالت الطفلة هي اللي بتتكلم، وأنغام بهذا الحجم والقيمة والتنافس الشديد على لقب صوت مصر، والاختلاف بينها وبين أي حد بما فيهم شيرين كانت المثالية، محدش يخترق المشاكل الموجودة داخل الإنسان لإني أمثل حاجة أكبر من كده".

وأضافت: "هذا الحوار خلى أنغام زي كثير من الناس اللي فتحوا قلبهم واتكلموا عن مشاكل خاصة، وأفقدها المثالية اللي كانت ممكن تحطها في ترشيح صوت مصر".

وتابعت: "في وجهة نظري أنغام من كتر المثالية اللي إحنا حاطينها فيها حبت تقول أنا بني آدمة بتوجع وعندي مشاكل، بلاش تعاملوني على إني تمثال من ذهب".

وكانت أنغام تحدثت خلال الحلقة عن الصعوبات التي واجهتها خلال طفولتها، وعن علاقتها بأختها الراحلة غنوة، وأصعب لحظات حياتها، كذلك اعترفت بعدم استطاعتها تجاوز أزمتها مع والدها الموسيقار محمد علي سليمان.

اقرأ أيضا: خبير أمن المعلومات: مشاهير تعرضوا للنصب عن طريق الذكاء الاصطناعي