حسن شاكوش لطليقته ريم طارق: مش من تربيتي إني أشهر ببنات الناس
كتب: زياد محمد
أعرب مؤدي المهرجانات حسن شاكوش عن سعادته الشديدة بسبب الفيديو الذي نشرته ريم طارق لتعلن فيه عن انتهاء الأزمة بينهما.
وأعاد شاكوش نشر فيديو ريم طارق، خلال حسابه الرسمي بموقع الصور والفيديوهات انستجرام، معلقًا: أنا أولًا بشكرك يا ريم على كلمة الحق اللي قولتيها في حقي دلوقتي وذكرتي إنك مشوفتيش مني غير الخير، وقابل اعتذارك على ماصدر منك، وأنا مكنش ليا أي رد فعل قدام الناس، ومش من تربيتي إني أشهر ببنات الناس حتى لو رد علي كلام يجرحني، أوإساءه ليا مع إن ده كان مأثر عليا نفسيًا، وعلى أهلي وكل اللي حوليا وقابل اعتذارك، وعفا الله عما سلف والمسامح كريم واتمنالك كل خير في حياتك وأشوفك دايمًا بخير.
View this post on Instagram
وأعلنت ريم طارق طليقة مطرب المهرجانات حسن شاكوش، انتهاء الخلافات التي نشبت بين الطرفين خلال الشهور الماضية. وقالت ريم طارق: الحمدلله اخدت كل حقوقي الشرعية من حسن، والحمدلله أني طلعت شخص كويس، وهو كمان شخص كويس، وراجل محترم، وكل اللي حصل ده كان سوء تفاهم وتدخل أكتر من طرف، وأي حد سيرته جت في الموضوع سواء من أهله أو من أهلي أو مامته حقهم على راسي وكل شيء قسمة ونصيب.
