بصحبة منة شلبي ومحمد ممدوح.. شريف منير يمازح منى زكي: زئردة وممثلة خطر

نشر النجم شريف منير، صورة تجمعه بعدد من أصدقائه من داخل الوسط الفني، وذلك عبر حسابه الشخصي على إنستجرام، وضمت الصورة كل من النجوم منة شلبي ومحمد ممدوح "تايسون" وأحمد مالك وجميلة عوض والمؤلف تامر حبيب.

وعلق شريف منير على الصورة وهو يمازح منى زكي قائلًا: "حبايبي.. وخصوصًا الزئردة اللي لابسة أحمر جنبي دي.. ممثلة خطر".

ودافع الفنان شريف منير عن ابنته أسما، في وقت سابق، بعد الانتقادات التي تعرضت لها عقب قيامها بحلق شعرها في فيديو نشرته عبر حسابها الشخصى على "إنستجرام"، ثم ظهورها حليقة الرأس في حفل توزيع جوائز مهرجان القاهرة للدراما مساء الخميس.

وقال "منير": "إيه الضجة والدوشة اللي إنتوا عاملينها دي، كل ده علشان بنتي قصت شعرها قدام الكاميرا، إيه الغلط اللي عملته، تصرف عادي جدا مفهوش أي حاجة".

وتابع: "إوعوا تفتكروا إن أنا ممكن آجي على بنتي علشان خاطر أكسب رضاكم، دي بنتي اللي مليش غيرها واللي بحبها، وبالمناسبة اللوك عاجبني وأنا مبسوط منها أوي".

واستطرد: "قبل الإخوة السادة الملايكة الصالحين، اللي عمالين يقلوا أدبهم ويشتموا، ويقولوا بتاخد تريند وأبوها معرفش يربيها، أنا بنتي متربية كويس جدا، وبتتصرف باللي هي حاسة بيه، المهم إنها مش بتؤذي حد، وقبل ما تتكلموا بصوا على نفسكو وعلى ولادكو وإخواتكو قبل ما تنتقدوا وتغلطوا".

واستكمل: "ريحوا نفسكو واهدوا شوية، اللي حصل من بنتي مش غلط، وهي حرة في نفسها، وبنتي عندها 36 سنة وأم ومسؤولة عن نفسها، أنا أب مسؤول إني أحميها، وهي حرة في تصرفاتها".

وفي الختام، وجه شريف منير رسالة لابنته قائلًا: "أسما إنت شكلك زي القمر وكان حلو جدا، وبرافو عليكي إنك أخدت التريند، متسمعيش كلام حد ومتهتميش بكلام حد، وأنا مش مهتم بالكلام اللي بيتقال عني أو عليها".

اقرأ أيضاً: مروة صبري تهاجم أسما شريف منير: عايزة التريند.. ورايحه...

بعد ظهورها بدون شعر.. أسما شريف منير في فيديو جديد: «بقيت...

رد صام من ابنة أسما شريف منير لمنتقدي والدتها.. ماذا قالت؟