«هددني علشان أعمل الفيديو وضحك عليا».. ريم طارق تتراجع عن اعتذارها لـ حسن شاكوش

تراجعت ريم طارق طليقة الفنان حسن شاكوش، عن تصريحاتها بشأن تصالحها مع طليقها، لتكشف أسرارًا جديدة عن تهديده لها.

ونشرت ريم طارق مقطع فيديو عبر «ستوري» صفحتها الرسمية على موقع الصور والشهير «إنستجرام»، قائلة: «أنا قولت عليك راجل محترم عشان اخدت حاجتي اللي عندك بس، أنا أسفة مش هتصالح والقضايا شغالة أنا ما اتنازلتش عن حاجة لسة».

عرض هذا المنشور على Instagram

‏‎تمت مشاركة منشور بواسطة ‏‎Reem tarek‎‏ (@‏‎reemtarek84_‎‏)‎‏

ووجهت رسالة لرضوى الشربيني خلال حديثها، قائلة: «أنا بعد ما أخدتها المفروض كانت المشكلة تخلص بس هرجع ومفيش صلح حصل، وكل اللي حصل كان فيلم ولعبة عليا، متعرفيش أنا اتعرضت لايه يارضوى علشان أعمل الفيديو ده ومعايا دليل على كل حاجة».

وأضافت، قائلة: «اعتبر الاتفاق اللي ما بينا متمش، واحنا كده كده متنازلناش عن القضايا، وبما إنك رجعت في اتفاقك فأنا رجعت في اتفاقي واعتبر إن مفيش صلح حصل، طالما عاجبك اللي حصل في الإعلام، أنا قولت في الفيديو محترم إنه ادالي حاجتي مش محترم إنه كان متجوزني، مفيش حاجة اتحلت واعتبروا إن مفيش حاجة اتحلت ولا هتتحل القضايا لسه شغاله مخلصتش، أي حاجة قولتها في برنامج أو أي مكان عندي دليل بيها أنا مكذبتش».

واستكملت حديثها: «بس أنا اتفقت مع ناس ومع رجالة وطلعت قد كلمتي وهو طلع مش قد كلمته دي بتاعته، للأسف وثقت فيه تاني، كنا المفروض نعمل الفيديو بعد ما كل حاجة تخلص بس هو نزل الفيديو عشان السوشيال ميديا تهدى بس ده مش هيكون على حسابي، كل ما هتفكر تستفزني كل ما هتضطرني إني أعمل حاجة، لو سمحت مترجعش في كلامك؛ لأن في الآخر أنت اللي هتزعل مش أنا، أنت ضحكت عليّا وخليتني أعمل الفيديو مقابل آخد حاجتي، فاحنا حاولنا نصلح، مفيش صلح واعتبر إن كل كلمة اتقالت خلصت وأنا رجعت في اتفاقي».

واختتمت: «أنا مش أرجل منك والفيديو هيتمسح ولا كأني عملت حاجة والحمد لله إني خدت الحاجة اللي كانت في البيت، أنت مش عايز الموضوع يخلص أنا معنديش مشكلة إنه ميخلصش عادي، أنا مخدتش حقوق مادية، لسه القضايا متنازلناش عنها، هو حب إن السوشيال ميديا تهدى فنزل الفيديو بتاعي».