بعد الأحداث الأخيرة.. تامر حسني يقود حملة لدعم الشعبين الليبي والمغربي

دعا الفنان تامر حسني، لدعم الشعبين الليبي والمغربي، من خلال حملة جديدة باسم الشعب المصري والهلال الأحمر المصري، بسبب الأحداث المؤسفة التي مرت بيها البلدين من زلزال وإعصار مدمر.

وكتب تامر حسني، عبر حسابه على "تويتر": "شبابنا وكل أهالينا في مصر طبعاً كلنا شوفنا اللي حصل في المغرب وليبيا وأكيد كلنا في أشد حالات الحزن ونفسنا نعمل حاجه .. كلامي للّي قادر.. واللي مش قادر  جزاه الله كل خير لو كثف الدعاء لاهالينا وإخواتنا".

وأضاف: "مش هطول عليكم.. يا جماعة عندنا في مصر جمعية الهلال الأحمر المصريربجد ناس ليهم الجنة إن شاء الله، انا فخور بيهم اوي وبحبهم اوي من كل قلبي،  دول ناس رحيمه وهبوا حياتهم لخدمة الانسانيه وكل يوم عندهم شباب جميل متطوع لخدمة الانسانيه".

وتابع: "الحقيقه ان انا بمشيئة الله  دايماً معاهم في كل أزمه بتقابل مصر أو أي شعب عربي بس اكيد انا مش كفاية.. اتمنى من كل مصري انه يهتم بالجمعية العظيمة الرحيمة دي ويحاول يقدم اي دعم و لو بسيط ليهم، وأتمنى ان اللي ميعرفهمش يحاول يعرفهم كويس عشان لو عرفهم وعرف دورهم وازاي بيخاطروا بحياتهم عشان سلامة وإنقاذ البشر هيبصلهم بنظره عظيمه تانيه من قلبي كل المواساه لاهالينا في المغرب وليبيا ومن أرض مصر بنقولكم كل مصر معاكم وخالص تعازينا لأسر الضحايا من أهالينا وكل الدعاء لعودة وسلامة المفقودين منهم ربنا يصبركم ويحفظكم ويحفظ امتنا العربيه".

اقرأ أيضا: حسن شاكوش يُكذب ريم طارق.. ويؤكد:«عندها هوس الشهرة»

مساء الخير عليكم
شبابنا و كل اهالينا في مصر طبعاً كلنا شوفنا اللي حصل في المغرب و ليبيا و اكيد كلنا في اشد حالات الحزن و نفسنا نعمل حاجه
كلامي للّي قادر .. واللي مش قادر جزاه الله كل خير لو كثف الدعاء لاهالينا و اخواتنا
مش هطول عليكم … يا جماعة عندنا في مصر جمعية الهلال… pic.twitter.com/plr5B8MifP

— Tamer Hosny (@tamerhosny) September 14, 2023