بعد نجاح «تحت الحزام».. غادة عبد الرازق: «فيه ناس بتقولي إحنا بنخاف منك» (فيديو)
كتب: شاهيناز خليفة
تحدثت الفنانة غادة عبد الرازق، عن سر نجاح مسلسلها الأخير «حدث بالفعل» في حكاية «تحت االحزام»، وذلك خلال لقائها في برنامج «رؤيا مصر».
قالت غادة خلال لقائها: «صراحتي ساعات كانت مؤذية وأذتني شخصيًا»، لافتة: «فيه ناس بتقولي انتي حوت تمثيل وفيه ناس تقولي انتي غول تمثيل، وفيه ناس تقولي انتي الشخصية بتركبك لدرجة إن إحنا بنخاف منك.. وكل الجمل دي بتخليني أتمسك أكتر بالشيء اللي أنا بحبه».
وعن تعليقات الجمهور على أعمالها، أوضحت غادة: «بحب أسمع التعليقات.. أنا لازم أسمع من جمهوري كل شوية.. أنا بحبك انتي شاطرة انتي لسه ممثلة محتفظة بـ الرونق اللي انتي فيه لازم أسمع ده، لإني لولا الجمهور بيقولي كده معرفش أكمل».
View this post on Instagram
واستكملت حديثها، قائلة: «الجمهور بيقولي انتي ممثلة هايلة وشاطرة وبنحب شخصيتك وحبك لبنتك وأحفادك، وبنحب إن أنتي بتظهري على حقيقتك، وبنحب إن انتي صريحة، وساعات صراحتي مؤذية وأذيتني شخصيًا».
وعن مشاكلها الشخصية، قالت: «أنا بني آدمة زي أي حد وعندها مشاكل زي أي حد، وممكن أمر بأزمة مالية زي أي حد».
وأضافت: «ممكن أتعب وأروح المستشفى زي أي حد وممكن أكون قاعدة في البيت عندي حالة اكتئاب ولامه شعري وقاعدة على الكنبة.. وممكن أقعد على الكنبة لمدة 4 أيام ولا استحميت ولا قمت».
اقرأ أيضًا: بيومي فؤاد بطلا أمام هيفاء وهبي في فيلم «جوري»
