حورية فرغلي تكشف عن طفولتها القاسية ومطاردة الموت لها في منامها

تحدثت الفنانة حورية فرغلي، عن طفولتها القاسية التي عاشتها منذ ولادتها فضلا عن مطاردتها للموت في منامها، وذلك خلال لقائها مع الإعلامي تامر شلتوت في برنامج in Deeb في العمق، الذي يعرض عبر قناته على اليوتيوب.

وقالت حورية عن طفولتها: «طفولتي كانت صعبة، بابا وماما انفصلوا وأنا عندي 48 ساعة، أكتر حاجة عايزة أنساها هي طفولتي، لأني أتحرمت من الطفولة والمراهقة».

وتابعت: «الدادة بتاعتي كانت أحن واحدة عليّ، كانت فلبينية وقعدت معايا لحد ما بقى عندها 73 سنة وماتت، كنت بقولها ياتيتا، زوج ماما كان حنين عليّ، وزوجة بابا ماتت في غارة من غارات العراق، ورأسها طارت قدام عيالها ماتت موتة صعبة».

وأضافت: «بسبب حجم الإذاء وأزمة الطفولة، أنا قعدت لـ 8 سنين مبتكلمش، ولا بنطق خالص، الدكتور قال لماما بنتك مبتتكلمش، لأنها محتاجة حب وحنان كتير».

وعن كوابيس الموت المرعبة التي تطاردها في منامها، قالت: «حلمت وأنا صغيرة أن في صندوق خشب عامل زي الأوضة، بس منورة رغم أن مفيهاش لمبة، وأنا في كفن وإيدي بس اللي طالعة، ومنتظرة الساعة تيجي 12، عشان يجوا يخدوني أتسال».

واستكلمت حورية حديثها، قائلة: «في اللحظة دي أنا كل دقيقة بتعدي عشت فيها رعب، لغاية ما قُمت من على السرير مفزوعة، رغم أني مشوفتش وشي في الحلم، لكن بسبب الرؤية مازال عندي مشكلة كبيرة في النوم، بنام بصعوبة وعشان أحلم محتاجة معجزة».

اقرأ أيضًا: شاكيرا تحيي حفلاً في لبنان في صيف 2024.. اعرف التفاصيل