لقاء الخميسي تتحدث عن والدها: «بكلمه لحد دلوقتي وبيرد عليّ»

تحدثت الفنانة لقاء الخميسي، عن والدها الراحل وذلك خلال لقائها مع الإعلامي تامر شلتوت، في برنامج In Deep في العمق عبر قناته على اليوتيوب.

وقالت الخميسي خلال لقائها، أنها حتى الآن مازال رحيل والدها يؤثر على حياتها، لافتة إلى أنها حتى الآن لم تتخطى أزمة رحيله.

وتابعت الخميسي: «بابا كان الراجل الأول والأخير في حياتي، كان راجل مختلف، حساس طيب كل الصفات الحلوة فيه، مكنش بيزعقلنا، لكن لو الأخطاء أتكررت تاني بيكون في عقاب، راجل متفهم ومتسامح».

واضافت: «بابا كان صوتي الداخلي بكلمه لحد دلوقتي وبيرد عليّ، بكلمه كل يوم وبقوله الحاجات الحلوة والوحشة، هو كإنسان مش موجود لكن روحه معايا، هو مات بالكانسر، الدكاترة قالوا إنها النهاية، وإحنا من الأول عارفين بس مكنتش عارفة أواجه ولا أقبل الموقف، ولما تعبت مكنتش عايزة أدخل اشوفه».

واختتمت حديثها: «كنت بزعل وبقول لربنا ليه تعمل في كدة؟، بعد مامشي كانت مأساة بس كنت قوية جدًا من برة، لكن من جوه ضعيفة جدًا، لأني مؤمنة أنه مماتش، هو طول الوقت موجود، لو عندي مشكلة في حاجة أنا عارفة هو عايزني أعمل إيه.. فعايشة بنصايحه لحد دلوقتي».