الرئيس السيسي بجلسة بناء الإنسان: بنضيع وقت كتير مع التليفون المحمول وفي السهر.. محتاجين إلتزام وانضباط

قال الرئيس عبدالفتاح السيسي، إن الهاتف فى أيدينا لأوقات طويلة: "بنضيع وقت كتير ويمكن نسهر شوية.. طيب عاوز المدرس الساعة 6 الصبح، فبقعده 6 شهور يصحى الساعة 5، وعاوزه مهتم بالرياضة.. طيب هو مكنش بيلعب رياضة قبل كده.. فبحط إطار عام والفني مش بتدخل فيه".

أضاف الرئيس السيسى خلال جلسة بناء الإنسان ضمن فعاليات يوم الاحتفال بتفوق جامعات مصر: لو أقدر أعمل ده «أدخلهم الأكاديمية العسكرية» فى كل مؤسسات الدولة هعمله.. عشان الجهاز الإدارى للدولة يبقا أكثر التزاما، وبنعالج دا عن طريق الأفكار.. فلو حد عنده فكرة يقول ونعملها»

وتابع: «نعملهم انتقاء الموضوعات اللي اتحقق كفاءة الاختيار ونبذل جهد معاهم عشان يبقوا جاهزين من خلال التعليم الفني، ياخد دبلومة ثم مع المدرسين اللى بيتم انتقائهم ولو عندى فرصة أعمل كده مع 30 ألف كنت عملت بس مقدرش أقعدهم 6 شهور كده".

واصل الرئيس: "أيوه؟ علشان تصحى الساعة 6 الصبح وتنتبه للرياضة وتخلى بالك من الانتماء والولاء لابناءنا وبناتنا لان كل اللى هتقوله ده هيتحط فى عقول أطفال صغار ثقافتك وممارساتك هى دى اللى الطالب هيشربها منك فانا محتاج أطمن صياغة شخصية بنعطيها أطفالنا..الموضوع وانا بتكلم عمرى ما خبيت حاجة لانها مش معمولة من غير فكرة.. لا دى وراها فكرة وهنشوف نتيجة الفكرة وهنقيم احنا نجحنا فى البناء ده ولا لأ؟.